АЗОТНЫЕ ТЕРМАЛЬНЫЕ ВОДЫ

атмосфера, ер ости ва денгиз сувларидан катта чуқурликда тикланиш шароитида ҳосил бўлади. Ороген ва платформа ҳудудларида кенг тарқалган. Атмосфера ёғинларидан ҳосил бўлган сувларнинг минераллашиши 1—1,5 г/л, кимёвий таркиби гидрокарбонат-натрийли ёхуд хлорид-сульфат-натрийли бўлиб, юқори миқдорда (40—50 дан 180—200 мг/л гача) кремний кислотали бўлади. Сувларнинг бундай кимёвий таркиби жинсларнинг инфильтрацион сувлар таъсирида эришидан ҳосил бўлади. Йирик тектоник зоналардаги артезиан ҳавзаларнинг чуқур қисмларидаги чўкинди ётқизиқларнинг ишқорий ювилишидан А.т.с. пайдо бўлади. Мас., Тошкент тоғ олди артезиан ҳавзаси. Денгиз сувлари юқори даражада минераллашган (40 г/л дан кўп) бўлиб, хлорид-натрийли ва хлорид-кальций-натрийли таркибга эга, шунингдек, уларда микроэлементлардан бром ва йод учрайди. Бундай зонада температура 90°С га етади. Юқори даражада минераллашган сувлар кам тарқалган бўлиб, уларнинг келиб чиқиши катта чуқурликлардаги қадимий метаморфлашган денгиз сувлари билан боғлиқ. А.т.с. қатлам ёки дарзлик сувбосимли системаларда учрайди. Azotli termal suvlar