ayyor

sft. 1. Makr-hiylaga usta; mugʻambir, firibgar.

Ayyor boy. Ayyor tulki,

Tulkini aldab sogʻurlar, Turfa ayyordir toʻram. — Mushtum

Mirzakarimboy ilonning yogʻini yalagan odam: hamma boylar kabi ayyor — Oybek, Tanlangan asarlar

2. Makr-hiyla ifodasi boʻlgan; makkorona.

Ayyor boqish. Ayyor tabassum.

Bek ayyor koʻzlarini Razzoqqa qaratdi. — H. Gʻulom, Mashʼal

3. ot Oʻzbek xalq dostonlarida: hiylagar; aygʻoqchi.

Shu orada Alpomish Qalmoqshohning ayyorlarini oʻtda kuydirib yubordi. — Alpomish