Авторская речь

Бадиий асарда қаҳрамонлар нутқидан фарқланувчи автор баёни ва изоҳлари. Автор нутқи воситасида, кўпинча, сюжет экспозицияси, пейзаж тасвири ва образларнинг психологик ҳолатлари ифодаланади. Кўпгина ёзувчилар ўз асарларини бевосита автор нутқидан бошлашади. Масалан, Ойбекнинг «Қутлуғ қон», «Навоий», А. Қодирийнинг «Ўтган кунлар», «Меҳробдан чаён» каби асарлари бевосита автор нутқи билан бошланади. Айрим ҳолларда автор нутқи асар персонажлари ва воқеалар баёни билан боғланмаган бўлади. Бунда автор нутқи лирик чекинишлардан иборат бўлиб, бундай лирик чекинишлар авторнинг муносабатини ифодалайди, баён қилинаётган воқеаларни изоҳлайди, тўлдиради., автор нутқи