Автоматизированный перевод

Avtomatlashtirilgan tarjima (mashinaviy tarjima). Bu kibernetika fanidagi buyuk kashfiyot boʻlib, matematik mantiq asosida til materiallarini dasturlashtirishga asoslangan. Avtomatik tarjima faqat bir maʼnoli soʻzlar va bir xil grammatik tuzilishga ega tillardan tarjimada muvaffaqiyat keltirish mumkin. U soʻzlarni oʻz oʻrnida tarjima qilib qoʻyadi – keyin ular asosida qayta gap tuzish kerak boʻladi. Avtomatik tarjima ijodiy tarjimaning oʻrnini bosolmaydi (Qarang: Mashinniy perevod). Badiiy matnda soʻzlar turli maʼno qirralariga ega boʻlishi, baʼzida lugʻaviy maʼnosi bir yoqda qolib, butunlay boshqa maʼnoda kelishi jihatidan uslubiy boʻyoqqa ega soʻzlarni avtomatik tarjima qilib boʻlmaydi. Masalan, “Buket v blagorodnom vine” jumlasini avtomatik yoki soʻzma-soʻz tarjima qilganda “Olijanob vinodagi guldasta” boʻladiki, bundan bir narsani tushunish mushkul. Ijodiy tarjima orqali esa uni “Sof sharob taʼmi” deb tarjima qilish mumkin. Yoki rus adibi G.Markovning “Sol zemli” romani oʻzbek tiliga “Yer magʻzi” deb oʻgirilgan.