авлод

от 1. Ота-бободан қолган насл (аждодга нисбатан).

Виз эски қулларнинг авлодимиз ота-боболаримиз озод бўлган чоғларда ўзлари учун қурган чайладек уйларда тирикчилик қиламиз. — С. Айний, Қуллар

Аждодлар бўлмагай авлодсиз, Авлодлар зийнати аждодлар. — Б. Бойқобилов

2. Ота-бобо ва унинг насли; сулола; зот.

Темур авлоди.

Бобур авлоди.

Девонбегилар авлодига мансуб бўлган Шерназарбой Исломхўжани ич-ичидан ёмон кўрар, азалдан адовати бор эди. — Ж. Шарипов, Хоразм

Фисқ-фужур уяси бўлган бу оила ҳаммани қораласа ҳам, ўз авлоди бўлган ана шу катта бойга асло тил тегизмас эди. — П. Турсун, Ўқитувчи

3. Замоннинг маълум қисмига мансуб одамлар; бўғин.

Кекса авлод. Ўрта авлод. Ёш авлод. Келгуси авлод.

Ўйлайманки, мана шундай обод ва озод юртни кўрганда, нафақат катта ёшдаги кишилар, балки ёш авлод ҳам янги куч-қувват олади, ғурурланади. — Газетадан

4. кўчма Замонавий электрон-ҳисоблаш машиналарининг ва бошқалар техник жиҳозларнинг янгиланган, такомиллашган туркуми.

Бу аппарат компютерларнинг тўртинчи авлодига мансуб.