АВАРИИ С БУРИЛЬНЫМИ ТРУБАМИ

burgʻilash quvurlarining sinib, majaqlanib, bukilib, yorilib yoki uzilib ketishidan yuz beradigan falokatlar. Falokatlarga quvurlarga meʼyoridan ortiq yuk berilishi, koʻp kuchlanish berish, ishlatish muddatidan ortiqcha ishlatish, eskirib qolganligi, nazorat qilishning oʻz vaqtida bajarilmaganligi, ishqalanishning bartaraf etilmaganligi, quduq tanasining egri-bugriligi, quvur ichida paydo boʻlgan yuqori bosim, quvurlarni bir-biriga bogʻlovchi mufta va nippelning yemirilib, yuvilib ketishi sabab boʻladi. Falokatlarni bartaraf etishda metchik, kolokol, kalibr, quvurtutgich, quvurkesgich va aversheg ishlatiladi. Ular burgʻilash quvurlariga bogʻlab quduqqa tushiriladi va lebedka bilan tortib olinadi. Quvurni kesib ushlab oladigan uskunalar ham mavjud. Quduqda qolib ketgan quvurlar oʻz-oʻzidan boʻshaydigan gidravlik tutgichlar bilan chiqarib olinadi. Quvurtutgichlar metchikka qaraganda quvurlarning har qanday joyidan ushlab olishi mumkin. Quvurlarga ular oʻq boʻylab katta ogʻirlik va aylanishlar bermay osongina mustahkamlanadi. Quduqda uzilib qolgan quvurning boshi yorilib titilgan boʻlsa yoki uzilish tekis boʻlmasa uni maxsus frez, Burgʻilash quvurlari bilan yuz beradigan falokatlar