Astenosfera

Mantiyaning plastik qatlami boʻlib, peridotitdan tarkib topgan, boʻylama va koʻndalang toʻlqinlar tezligi yuqorida joylashgan qatlamlarnikidan ancha kichik. Astenosfera chegarasi litosfera asosidan 400 km chuqurlikkacha boradi. Astenosfera nisbatan qattiqroq jismlardan iborat boʻlishiga qaramay unda plastik, suyuq oqimlar rejimi yaqqol seziladi (R.L. Stoker va b., 1973). Oqimlar taʼsirida muvozanat (izostaziya) holati yuzaga kelib, litosfera bloklari harakatlana boshlaydi.