Assembler

Tushunchalari kompyuter arxitekturasini aks ettiradigan quyi pogʻona dasturlash tili. Assembler tili tarkibiga jumlalar, buyruqlar va maʼlumotlar formatlari kiradi, ular muayyan kompyuter imkoniyatlariga bir qiymatli tarzda mos keladilar. Boshqacha qilib aytganda, har bir operatorga kompyuterning biror buyrugʻi mos keladi. Assembler tilidan mashina tiliga oʻgirishni avtomatlashtirish uchun yaratilgan dasturlar assemblerlar deb ataladi. Assemblerning kirishiga Assembler tilida yozilgan dastlabki dastur kiritiladi. Assembler chiqishida mashina buyruqlaridan tarkib topgan dastur beriladi. Disassembler deganda, mashina kodidan Assembler tilida yozilgan dasturga oʻzgaruvchi dastur nazarda tutiladi.