арава
aravaарава
от Асосан икки ёки тўрт ғилдиракли, от, эшак ёки ҳўкиз қўшиладиган транспорт воситаси.
Кун ботгандан кейин келин ва унинг дугоналари тушган узун соябон аравалар етиб келди. — М. Осим, Карвон ёʻлларида
Устига икки-уч боғ беда ташланган арава келиб қолди. — С. Аҳмад, Уфқ
- Оташ арава
- Шайтон арава
- Аравангни торт Жўнаб қол, юришингни қил, ишингни қил. Ҳа, ҳа, мен сенларнинг хизматкоринг бўламанми, аравангни торт, шуни билиб қўй, оч қолсам қоламанки, бу ишларни қилмайман. — Р. Файзий, Биринчи баҳор
- Аравани (қуруқ) олиб қочмоқ Қуруқ, баландпарвоз гап қилмоқ, беҳуда мақтанмоқ.— Саидғози ака! — деди [Назаров] кинояли жилмайиб, — ҳадеб аравани қуруқ олиб қочаверманг. Сиз билган сиёсатни биз ҳам биламиз. — С. Анорбоев, Оқсой
- Ўз аравасини тортмоқ Ўз ишини, тирикчилигини ўзи қилмоқ. Бу кунгача ҳар икки бригадир ўз улушига тушган вазифани бажариб, содда қилиб айтганда, ўз аравасини тортиб келишарди. — Ҳ. Нуъмон, Меҳр