Antropogen landshaft

xususiyatlari inson faoliyatiga bogʻliq boʻlgan landshaft. Maqsadli yoki avvaldan moʻljallanmagan oʻzgarishlariga koʻra atayin oʻzgartirilgan va bexosdan oʻzgargan landshaftlarga farqlanadi (ikkinchisi baʼzan «antropik landshaft” nomi bilan yuritiladi). Bulardan tashqari, madaniy landshaftlar (oʻz ehtiyojlarini qondirish uchun insonning xoʻjalik faoliyati tufayli ongli ravishda oʻzgartirilgan va kerakli holatda saqlab turiladigan) va noratsional faoliyat yoki qoʻshni landshaftlarning nomaqbul taʼsiri ostida paydo boʻlgan nomadaniy landshaftlar mavjuddir (tanazzulga yuz tutgan landshaft bu qatorda eng oxirgi oʻrinni egallaydi).