АНТИКОРРОЗИОННОЕ ПОКРЫТИЕ

metallarni zanglashdan saqlash uchun foydalaniladigan qoplama. Ishlatish sharoitida antikorrozion qoplamalarni himoya qilish qobiliyatiga koʻra meʼyorli, kuchaytirilgan va oʻta kuchaytirilgan turlari ajratiladi. Foydalanilayotgan materialga qarab A.q. mastika (mumsimon modda)li va polimerli (kimyoviy tarkibi bir xil) turlarga boʻlinadi. A.q. quyidagi talablarga javob berishi kerak: yuqori dielektrik (elektr oʻtkazmaydigan) xususiyatga ega boʻlishi; metallga yaxshi yopishishi; past nam oʻtkazuvchan va kam nam yutadigan boʻlishi; xlorid, sulfat va boshqa ionlarning kirishiga qarshilik koʻrsatishi; yuqori mexanik mustahkamlikka ega boʻlishi; vaqt davomida biologik va kimyoviy oʻzgarmasligi; oʻz xossalarini qishning sovuq va yozning issiq haroratlarida saqlashi; qoplama tarkibiga kiruvchi materiallarning kamyob boʻlmasligi; qoplamaning qimmat boʻlmasligi va uzoq muddatga chidamliligi., Korroziyaga qarshi qoplama