андиша

от 1. Кетини, оқибатини ўйлаб ёки юз-хотир қилиб юритилган мулоҳаза.

Андишанинг оти қўрқоқ. — Мақол

— Ғўзапоянгизни жуда ўт босиб кетибди-ю, — чўчитиб юбормайлик деган андиша билан оҳиста сўрадик. — Газетадан

2. Умуман фикр, мулоҳаза.

Қандайдир андиша тутди тилини. — А. Мухтор

3. Шарм-ҳаё, ор-номусга амал ҳисси.

Биз Зулфия опанинг ёнларида бўлиб, у кишидан нафақат журнал ишини, одоб-андишани, ҳалолликни ҳам ўргандик. — Саодат

Ҳалол ва пок, виждонли ҳамда инсофли бўлайлик, андиша ва ҳаёни унутмайлик. — Газетадан