Александрийский стих

Рус поэзиясида олти стопа (қ.)ли ямб (қ.) билан ёзилган жуфт қофияли иккиликлардан тузилган шеър тури. XII асрда Францияда Александр Македонский ҳақидаги поэма шундай иккиликлар формасида ёзилганлиги сабабли бундай шеър тури александрия шеъри деб атала бошланди. Александрия шеъри француз классик трагедия (қ.)ларида етакчи шеър турига айланди. Масалан, П. Корнель (1606—1684) ва Ж. Расин (1639—1699) трагедиялари шулар жумласидандир. Рус шоирларидан кўплари, жумладан, А. С. Пушкин александрия шеърига кўп мурожаат қилган. Пушкиндан сўнг бу шеър тури кам қўлланилди. Ҳозирги рус совет поэзиясида эса у деярли учрамайди. aleksandriya sheʼri