Акмеизм

akmeizm. Ulugʻ Oktyabr sotsialistik revolyutsiyasi arafasida rus poeziyasida yuzaga kelgan oqim. Bu oqim simvolizm (q.) ga oʻxshab, burjua dvoryan madaniyatining inqirozi natijasida yuzaga keldi. Biroq bu simvolizmdan farqli holda mistitsizm (q.) dan chekinib, konkret insoniy tuygʻu, tabiiy dunyoni tasvirlashga intildi. Shunga qaramay, akmeizm tarafdorlarining oʻta mahdudligi, dunyoqarashining torligi ularning asarlarini real hayotdan uzoqlashtirib qoʻydi. Akmeistlar oʻz adabiy programmalarida simvolizmga qarshi chiqdilar, ammo oʻzlari ham «sanʼat sanʼat uchun» nazariyasini yoqlab, simvolist boʻlib qoldilar. Akmeistlarning ijodi ijtimoiy hayotdan uzoq boʻlib, xalq uchun zararlidir. Ulugʻ Oktyabr sotsialistik revolyutsiyasi boshqa zararli oqimlar qatori akmeizmga ham kuchli zarba berdi. Akmeizm tarafdori yoki namoyandasi akmeist termini bilan ifodalanadi.