аэродинамика

aerodinamika

Aerodinamika — aeromexanikaning bir boʻlimi. Gazsimon moddalarning harakatlanish qonuniyatlarini va bunda oʻzaro kuch bilan taʼsir etuvchi qattiq jismlar harakatini oʻrganadi. Aviatsiya, meteorologiya va gazlar harakatining nazariy asosini tashkil qiladi. Havoni koʻtarish va qarshilik kuchini, bosimning tarqalishini va havo oqimida joylashgan qattiq modda yuzasiga taʼsir etadigan oqim yoʻnalishini aniqlash A.ning yechadigan asosiy vazifasidir. A. quvurdagi gazning harakatlari, uni uzoq masofaga uzatish, kompresorning agregatlarini joylashtirish, ularning quvvatini va boshqa texnik koʻrsatkichlarini aniqlaydi. Gazni kriogen texnologiya asosida ajratish, neft qatlamiga gazni yuqori bosimda yuborib «Saykling» usuli bilan uni chiqarib olish A.ning alohida sohasi hisoblanadi.