ачитмоқ

achitmoq

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ачитмоқ

фл. 1. Ачимоқ феълининг орттирма нисбати.

Тутун кўзни ачитди. Гўжа ачитмоқ.

Ёз кунлари [Ўзбек ойим] айвоннинг тўрига ясланиб, Ҳасаналининг хотини бўлган Ойбодоққа, чўри қиз Ҳанифага хамирни ачитмасликни, паловни қирмоч олдирмасликни танбеҳлабгина ўтирар эди. — А. Қодирий, Ўтган кунлар

Кучли изғирин, юзнинг терисини шилгандай, ачитади, қулоқларни кесади. — Ойбек, Танланган асарлар

2. кучма Аччиқ гап қилмоқ.

Дўст ачитиб гапиради, душман — кулдириб. — Мақол

— Тўғри айтасиз, мавлоно, — деди Ҳамза ачитиб. — К. Яшин, Ҳамза

Жон ачитмоқ 2. Жонини оғритмоқ. Тун аёз, изғириқ ел тўрт тарафга югуриб, жон ачитмоқчи бўлар эди. — А. Қодирий, Ўтган кунлар
Мияни ачитмоқ Бошни ғовлатмоқ, гангитмоқ, миясини қоқиб қўлига бермоқ. [Абдурасул:] Янги одамни авраб, миясини ачитмасинлар, ўзим бориб, бошлаб чиқа қолай, дедим. — П. Турсун, Ўқитувчи
Юракни ачитмоқ Раҳмини келтирмоқ.

Мақоладаги хато ҳақида хабар бериш