абсорбер

inglizchaAbsorber [əb'zɔ:bə], gas scrubber [gæs 'skrʌbə]oʻzbekchaabsorbsiya jarayonini amalga oshiradigan qurilma. Absorberning ishlash tamoyili skrubbernikiga oʻxshash, gazlar bilan suyuqlikning uchrashuv yuzasini kengaytirish uchun qurilma ichi har xil shaklli jismlar bilan toʻldirilgan boʻladi., absorber

Absorber — absorbsiya jarayonini amalga oshiradigan apparat. A. skrubber deb ham ataladi. A. minora shaklida ishlangan silindrsimon yopiq idish. Ichida yutuluvchi gaz yoki suyuqlikni yutuvchi suyuqlikning bir-biridan oʻtish hajmini oshirish uchun 300 mm dan 1500 mm gacha masofada joylashgan tarelka deb ataladigan elaksimon toʻsiqlar oʻrnatiladi. Elaksimon toʻsiqlarning har birida yutuvchi suyuqlikning maʼlum hajmi saqlanib turadi va pastdan kelayotgan gaz yoki suyuqlikning (odatda suyuqlik parlari) oqimini suyuqlik ichidan oʻtib, kerakli komponentlarning toʻla yutilishini taʼminlaydi. A.ning elaksimon toʻsiqlari shishadan, sopoldan, har xil metallardan (asosan poʻlatdan) halqasimon, egarsimon shakli yasaladi. Shimuvchi va shimiluvchi moddalarning bir-biri bilan uzoq vaqt tutashishini taʼminlovchi elementlardan tashkil topgan qatlam hosil qiladi. Bu elaksimon toʻsiqlar orasidagi A.masofada yuqoridan pastga oqayotgan shimuvchi suyuqlik bilan pastdan yuqoriga koʻtarilayotgan gaz yoki suyuqlik (suyuqlik parlari) orasida massa almashinuv jarayoni roʻy beradi. Masalan, tabiiy gazning tarkibidagi nordon gazlar: vodorod sulfidi (H₂S) va uglerod IV-oksidi (CO₂), dietanolamin (DEA) yoki metildietanolamin (MDEA)ning suvli eritmasiga shimiladi va tabiiy gaz tozalanadi. A.da «tarelka»lar elaksimon, klapanli quvurlardan tashkil topgan, kichik chinnidan yasalgan har xil shaklli elementlardan iborat boʻladi.