Поиск

fl. Zuvullamoq feʼlining orttirma nisbati.

taql. s. Tezlik bilan amalga oshadigan harakat, holat haqida.

Argʻimchoq zuv osmonga koʻtariladi, zuv qaytib keladi. — Sharq yulduzi

fl. 1. Zuv-zuv ovoz chiqarmoq.

Soy shov-shuvi orasida asalarilar zuvullab, cheksiz maysazorlardagi oʻt-oʻlanlar dasturxoni tomon oshiqishardi. — Mirmuhsin, Meʼmor

2. koʻchma Tez harakat qilmoq, juda tez chopmoq.

[Kolxoz raisi Qulmatga:] Olish boshlandi, de! Chop, zuvullab borib, zuvullab kel! — T. Murod, Yulduzlar mangu yonadi

ot 1. Bitta non yasash yoki bir marta ugra kesish uchun loyiq qilib yumaloqlangan xamir.

U onasi kelganga qadar supradagi unni qoqib-suqib, bir zuvala xamir qilib qoʻygan edi. — Oydin, Gulsanam

Ziyodaxon, zuvala uzar ekan, hazilomuz javob berdi. — A. Qahhor, Qoʻshchinor chiroqlari

[Oysha ona] Supra yozib, zuvala uzdi. — S. Anorboyev, Yoʻlda yoʻldosh boʻlganlar

2. koʻchma Asos, negiz; tarkib.

1952 yilda zuvalasi Oʻzbekiston tuprogʻidan yasalgan birinchi piyola tortiq qilingan edi. — Gazetadan

Bolalikda gap koʻp. Bir grajdanga Zuvala boʻladi axir har goʻdak. — A. Muxtor, Sheʼrlar

Tovuqlar ogʻzidan yulib olingan jonsiz urugʻ mana bugun kelajakdagi katta rejalarga zuvala boʻlyapti. — S. Mahkamov, Bir juft don

taql. s. Qushlar yoki hasharotlarning qanot qoqqanda chiqadigan tovushi haqida.

Zuv-zuv boradi, Tomdan qaraydi. Choʻp-loy choʻqiydi, Savat toʻqiydi (Qaldirgʻoch).

fl.

Kun boʻyi ikkalamiz chillak oʻynardik. Halima bu oʻyinda oʻgʻil bolalardan qolishmas, faqat meni ayardi: zuvlashga galim kelganda, kechib yuborardi. — Oʻ. Hoshimov, Bir tomchi qon

Yugurardik xuddi zuvlagan kabi, Qoʻshilishib telba, koʻr olomonga. — X. Davron, Qaqnus