от 1. Чучук сув ҳавзаларида яшовчи, йиртқич ёки паразит ҳолда кун кечирувчи ҳалқали чувалчанглар вакили.
Тиббиёт зулуги. Зулук қўймоқ.
Зулук кичкина жонивор бўлиб, қонни сўриш учун хизмат қилади. — Н. Исмоилов, Касалларни парвариш қилиш
Сувдан чиққан зулукдай, Қош-у кўзи пиликдай Келин пошшага салом. — Оқ олма, қизил олма
2. кўчма Бировлар ҳисобига яшовчи, очкўз, текинхўр, шафқациз одам.
Хон — жаллод, қозикалон — ўргимчак, ясовулбошилар эса зулук эди. — Ж. Шарипов, Хоразм
3. кўчма Зулук каби қоп-қора.
Онаси унинг [Салтанатнинг] зулук қошларига, тўлишган дудоқларига, юзларига мамнун тикилиб ўтирди. — С. Нуров, Нарвон