Поиск

rvsh. Ish-harakatning tez, chaq-qon bajarilishini, qayta-qayta amalga oshishini bildiradigan soʻz.

Xizmatkor xotin zir yugurib, choy tayyorlardi. — Mirmuhsin, Umid

Mehmonlarga hali u, hali buni tashib, tashqari hovli bilan ichkari hovli oʻrtasida zir yugurdim. — P. Tursun, Oʻqituvchi

Nahotki ikki yildan beri bir bechorani zir qatnatib ovora qilsalar, Toshkent qishlogʻi bilan Margʻilonning orasi ozgina yoʻlmi axir? — A. Qodiriy, Oʻtgan kunlar

ot Ziradoshlar oilasiga mansub koʻp yillik xushboʻy ziravor oʻsimlik va uning ovqatga ishlatiladigan urugʻi.

Sadaf xushboʻy zira solingan shavlani cholga surib qoʻydi. — Sh. Xolmirzayev, Bodom qishda gulladi

Choshnigir ayol oltin laganda zira hidi kelayotgan kabob koʻtarib kirdi. — P. Qodirov, Yulduzli tunlar

ot Harbiy kema, tank va shu kabilarning oʻq oʻtmaydigan temir (poʻlat) qoplamasi; bron.

Goh kunlari choʻl shamoli chinqirib kelib, azamat ekskavatorning zirhlariga, gʻildiraklariga uriladi. — Sh. Gʻulomov, Qalb undaydi

ot Togʻlarda oʻsadigan koʻp yillik tikanli buta va uning hosili.

Yana yoʻl. Togʻ-tosh. Xarsanglarga qapishib oʻsgan zirk. — Gazetadan

Avaz bilan Hulkar yuqoridan shildirab tushayotgan tiniq suv boʻyida, archa bilan ayqashib oʻsgan zirk tagida oʻtirib ovqatlanishar edi. — P. Qodirov, Qora koʻzlar

Zira, zirk solingan xushboʻy palovning Bir chimdimi hozir qildi xumori. — S. Zunnunova, Sogʻinish

ot Quloqqa taqiladigan bezak; isirgʻa.

Tilla zirak.

Ikki qulogʻiga oftobni uzib olib qoʻygandek yaltiroq zirak taqqan bir qiz kirdi. — S. Ahmad, Laʼli Badaxshon

Sabohatning panjalarida qoʻsha-qoʻsha uzuk, qulogʻida zirak, bilagida tilla bilaguzukka oʻrnatilgan soat. — F. Musajonov, Himmat

ot shv. Zirapcha.