ot 1. yoki Zikr etmoq (qilmoq) kt. Eslamoq, yodga olmoq, qayd qilmoq.
Navoiy yuqorida nomlari zikr etib oʻtilgan shoirlar bilan yaqindan tanish boʻlgan. — OʻTA
Ayniqsa quyida zikr qiladirgan holimiz bu ikki opa-singilning xarakterdagi farqlarini ochib koʻrsatish uchun yetadir. — A. Qodiriy, Oʻtgan kunlar
2. din. Tasavvufda musulmonlarning xudoni yodga olish bilan bogʻliq marosimi va shu marosimda aytiladigan musiqiy-sheʼriy turkum.
Biz zikrdan guzarga chiqib, har yer-har yerda boʻlayotgan bazmlarni tomosha qildik. — M. Muhammadjonov, Turmush urinishlari
Xalfalarni ham taklif eting, zikr oldidan ovqatlanib olishsin. — Yo. Shukurov, Qasos