«зиғирча» бўйича 10 та натижа: Изоҳли
от айн. Зиғирдай.
Бирорта одам зиғирча камчилигимиз ҳақида оғиз очса, томоғидан ғиппа бўғамиз. — Ф. Мусажонов, Ҳиммат
Бировга зиғирча озор берган инсон эмасман. — Ю. Шомансур, Қора марварид
[Жўрапошшанинг] Рангида зиғирча қон ёʻқ, оп-оқариб кетибди. — М. Исмоилий, Фарғона тонг отгунча
Сизда вафо деган нарсадан зиғирча борми? — деди Нишонбой Чиннихонга. — П. Қодиров, Юракдаги қуёш
от 1. Поясидан тола, уруғидан мой, ёғ олинадиган бир йиллик ўсимлик.
Зиғир экмоқ.
Раис, колхозига план берилмаган бўлса-да, озроқ зиғир, кунжут эктираётганини, битта эски жувозни ҳам сақлаб қолиб, ишлатаётганлигини айтди. — С. Нуров, Нарвон
Нилуфар далалар янги камалак, Деҳқон мафтун боқар зиғир гулига. — Н. Нарзуллаев, Сайланма
2. Шу ўсимликнинг уруғи, ҳосили.
Пакана йигитнинг кийимларидан зиғир ёғининг ҳиди келади, унинг касби жувозкаш. — П. Қодиров, Юлдузли тунлар
Кавушсимон шам-донга зиғир ёғи қуйилиб, пахта пилик ёқилган бўлса ҳам, жувозхона ичи қизғиш қоронғи эди. — Н. Фозилов, Оқим
от 1. бот. Эфир мойи олиш учун экиладиган кўп йиллик ўт.
Яра-чақа бўлганларга кампирнинг отқулоқ, зиғирак каби ўтлардан дори тайёрлаб бериши-чи? — Ҳ. Назир, Сўнмас чақмоқлар
2. Заргарликда: исирғага ўрнатиладиган, олтин ёки кумушдан майда юмалоқ доначалар шаклида ишланган безак тури.
1. Жуда оз, озгина, жиндек, қитдек.
Авазнинг юраги ачишди. Бенаво, бемажол халқига зиғирдек кўмак беролмаслигини ўйлаб, қалби вайрон бўлди. — С. Сиёев, Аваз
2. Жуда кичкина, зиғир уруғича.
Энди, катта мавзулардаги баҳс-мунозаралардан кейин, бу мушкуллик зиғирдеккина кўринди. — П. Қодиров, Уч илдиз
Бир-бирини излар шайдо икки жон. Зиғирдек жон, шайдолиги бир жаҳон. — Миртемир
— Ҳой куёв, сизга бир гап бўлдими, зиғирдек бола зерикишни қаёқдан билсин, — дерди [Гулсум кампир]. — Н. Сафаров, Танланган асарлар
от Зиғир экиш ва етиштириш билан шуғулланувчи шахс.
от 1. Зиғир ўсимлигининг пояси, танаси.
2. Зиғир экилган дала, майдон.
Подачи молларни тор кўчадан тез ҳайдаб, далага чиқаради: у ерда зиғирпоя бор. — Ш. Холмирзаев, Оғир тош кўчса
Белоруссиядаги ўрмонларнинг шовқини, ундаги зиғирпояларнинг нафаси ҳамма жойларга етиб келгандек бўлди. — Газетадан
пўписа Шунчаки қўрқитиб қўйиш учун қилинган дўқ, юзаки дағдаға. Ҳокимнинг боя қилган зуғуми хўжа кўрсинга қилинган қуруқ пўписа эканини билгани учун зиғ
игна Бир томони найзасимон, иккинчи томони тешик бўлиб, тешигидан ип ўтказиб, нарса тикишга мўлжалланган ингичка металл асбоб. Машина игна. Тепчик игна. Қавиқ и
томоқ Бўйиннинг энгак ости (тумшуқ ости) қисми. Канизак кўк рўмолини томоғининг тагидан боғлаб олган ерга қараб жадаллаб келар эди. А. Қаҳҳор, Қўшчинор чироқла
