Qidiruv

sft. 1. Kishiga lazzat, zavq, huzur bagʻishlaydigan, kishining zavqini keltiradigan, maroqli, nashʼali.

Zavqli tomosha.

Sozandalar oʻzlari chalgan mungli va zavqli kuylarga gavdalarini tebratib oʻtiradilar. — P. Tursun, Oʻqituvchi

Ovchilik qamishkapaliklar hayotida zavqli mashgʻulot edi. — P. Tursun, Oʻqituvchi

2. Lazzat, zavq, huzur ola biladigan.

Zavqli bola.

ot 1. Kishiga lazzat bagʻishlovchi kayfiyat; shavq; xursandchilik.

Kema suvning shiddatiga dosh berolmay, goh orqaga, goh oldinga chayqalar, bundan bolalarning zavqi oshardi. — M. Hazratqulov, Jurʼat

Alimardon yana oʻsha tabassum bilan, yana oʻsha zavq bilan kuyladi. — Oʻ. Hoshimov, Qalbingga quloq sol

2. Huzur, nashʼa, gasht.

Yashash zavqin bilmoq boʻlsang, Fan togʻiga intilgin. — Yo. Mirzo

Samandarov zavq qilib kuldi va bolani qoʻlidan tortib olib, bagʻriga bosdi. — A. Qahhor, Qoʻshchinor chiroqlari

3. Qiziqish, maroq, ishtiyoq; ruhiy koʻtarinkilik.

Maʼruzachi zavq bilan soʻzlamoq-da.

Yoʻlchi nayni labiga qoʻyib, butun zavqi bilan chala ketdi. — Oybek, Tanlangan asarlar

sft. Zavqi yoʻq.

ot ayn. Kayf-safo.

sft. Kishining kayfiyatini koʻtaradigan; xursand qiladigan; lazzat bagʻishlaydigan.

Bahor — fasllarning eng qaynoq, eng shoʻx, eng sertashvish, ayni zamonda eng zavq-baxshi. — M. Ismoiliy, Odamiylik qissasi

Shoir tabiat manzaralarini, bahor faslining maftunkor xislati, zavqbaxsh fazilatini mohir rassom kabi jonli tasvirlay olgan. — OʻTA

ot Serzavq boʻlish.