Қидирув

от Жуда ҳам кераклик, эҳтиёж борлик, зарурат.

У киши., илм ва маърифат ёʻлида жонбозлик кўрсатиб, мусулмон болаларини янги усул мактабларида ўқи-тиш зарурлигини чарчамай тарғиб этар эди. — М. Исмоилий, Фарғона тонг отгунча

Шу ерга сардоба зарурлиги кўриниб турибди. — Мирмуҳсин, Меъмор

сфт. 1. Бирор иш ёки эҳтиёж учун керак; керакли, даркор.

Зарур китоб.

Бир деҳқонга пул зарур бўлиб қолиб, кўм-кўк тош нокларни бозорга олиб чиқибди. — Шукрулло, Жавоҳирлар сандиғи

2. Тез бажарилиши шарт бўлган, кечиктириб бўлмайдиган, муҳим.

Зарур масала. Бир зарур иш билан шаҳарга бордим.

3. кесим взф. Даркор, керак.

Ёш бўлсам-да, рўзғор тебратиш учун ота-онамга кўмаклашмоғим зарур эди. — Н. Сафаров, Жасоратнинг давоми

— Ёʻқ, ёʻқ, синглим, — ялинди Раҳим Саидов. — Ўтинаман, ҳозир беринг. Жуда ҳам зарур. Ў. — Умарбеков, Ёз ёмғири

Zorunlu.ЗАРУРИЙ, КЕРАК

от 1. Бирор иш ёки нарсага бўлган эҳтиёж; муҳтожлик.

Зарурат туғилди. Зарурати ёʻқ.

Аваз Матпано турадиган ҳужрага аҳёнда бир келарди. Тез-тез уни хабарлагани зарурат ҳам, фурсат ҳам ёʻқ. — С. Сиёев, Аваз

Бу вафосиз дунёда истак ва заруратдан ташқари кўнгил деган нарса ҳам бор экан. — М. Исмоилий, Фарғона тонг отгунча

2. Табиий эҳтиёж, ҳожат.

Бектемиров Низомиддиновни зарурат учун ташқари чиққан гумон қилиб, келгунча чироқни ёқиб қўймоқчи бўлди. — С. Аҳмад, Ҳукм

1. Mecburiyet, zorunluluk, zorunluk.ЗАРУРАТ

2. Sıkıntı, yoksulluk, fakirlik.ФАҚИРЛИК

сфт. Энг керакли, жуда ҳам зарур; талаб қилинган.

Биласанми, бўталоғим, табиий фанлар даврнинг зарурий эҳтиёжларидан вужудга келади, шу эҳтиёжларнинг ёʻналишига қараб ё юксалади, ёки инқирозга учрайди. — С. Кароматов, Олтин қум