Izohli lugʻat
· yana 6 ta lugʻatda
ot 1. Biror ish yoki narsaga boʻlgan ehtiyoj; muhtojlik.
Zarurat tugʻildi. Zarurati yoʻq.
Avaz Matpano turadigan hujraga ahyonda bir kelardi. Tez-tez uni xabarlagani zarurat ham, fursat ham yoʻq. — S. Siyoyev, Avaz
Bu vafosiz dunyoda istak va zaruratdan tashqari koʻngil degan narsa ham bor ekan. — M. Ismoiliy, Fargʻona tong otguncha
2. Tabiiy ehtiyoj, hojat.
Bektemirov Nizomiddinovni zarurat uchun tashqari chiqqan gumon qilib, kelguncha chiroqni yoqib qoʻymoqchi boʻldi. — S. Ahmad, Hukm