sft. 1. Chumchuqsimonlar turkumiga kiruvchi, qanotlari qoramtir, oʻzi sariq sayroqi qush.
— Atrofimizdagi lolaqizgʻaldoqlar, maysa oʻtlar tagida zargʻaldoqlar sayraydi, osmondan soʻfitoʻrgʻaylarning ovozi eshitiladi, — dedi Usmon. — O. Husanov, Qoʻshiqchining taqdiri
Zargʻaldoqlar chulu-lu deb, tikan shoxlarga bemalol qoʻnadi, sovuqda junjikkandek hurpayib oladi. — Sh. Xolmirzayev, Bodom qishda gulladi
2. sft. Toʻq sariq rang, toʻq sariq rangli.
Soy boʻyi keta-ketguncha gulzor edi. Bir qator qizil, ikkinchi qator oq, yashil, zangori, sariq, zargʻaldoq rang gullar — Saodat
Olovli shar kattalashgan sari uning rangi koʻzni koʻr qiluvchi toʻq qirmizi rangdan zargʻaldoq rangga oʻzgarar edi. — Gazetadan
- Zargʻaldoq shaftoli Shaftolining mevasi toʻq sariq va yirik boʻladigan bir navi.