Қидирув

сфт. Аниқловчи орқали ифодаланган белгили (тахлит, тусдаги) юзга эга.

Лўппи юзли. Қизил юзли.

Бу икки кишининг иккинчиси узун бўйли, қора чўтир юзли, чағир кўзли ўттиз беш ёшларда бўлган кўримсиз бир киши эди. — А. Қодирий, Ўтган кунлар

от 1. 1 Одам бошининг олд томони, олд томондан кўриниши; бет.

Чўзиқ юз. Қизил юз. Кулча юз. Юзини ювмоқ.

Бошқалар бўлса, Ниёз қушбегининг сўзидан кейин ҳожининг юзига тикилган эдилар. — А. Қодирий, Ўтган кунлар

Қизғин бўғувчи ҳаво юзга уради. — Ойбек, Танланган асарлар

Канизак дуррасининг учи билан юзини бекитиб, тескари ўгирилди. — А. Қаҳҳор, Қўшчинор чироқлари

2. Инсон бетининг у ёки бу томони; ёноқ.

Раъно супага оёқ солинтириб ўтириб олди. Кампир уни кўриб, аввал ўзини ёʻқотиб қўйди, кейин бўйнидан қучиб, у юзидан, бу юзидан ўпди. — А. Қаҳҳор, Кўк конверт

Унинг юзларида, дудоқларида йигитнинг юрагини эритувчи бир табассум ёнади. — Ойбек, Танланган асарлар

бу йигитнинг сурати ўнг юзидаги қора холи Шаҳзодага уйқу бермай қўйди. — К. Яшин, Ҳамза

3. Бирор нарсанинг устки томони, юзаси; сирт, сатҳ.

Қир юзини лолалар қоплаган. Кўк юзини булут босди. Ойнинг юзида ҳам доғ бор. — Мақол

Мана, икки ойнинг ичида яйдоқ дала юзи ям-яшил ғўза ниҳоллари билан қопланди. — Газетадан

Деразаларга урилган ёмғир парчалари ойна юзини ювиб пастга оқарди. — Э. Раимов, Ажаб қишлоқ

унинг қор юзида жимирлаб ўйнаши кўзни қамаштирарди. — Ҳ. Шамс, Душман

4. Айрим нарсаларнинг у ёки бу томони, тарафи, қирғоғи.

Кўчанинг икки юзида қатор уйлар.

— Дарёнинг бул юзида қолиб, ул юзидаги ёрига етолмай қақшаган бадбахт ошиқ шўри бошимда, — деди Ғуломжон. — М. Исмоилий, Фарғона тонг отгунча

Мусулмонқул Чир-чиқ бўйига келиб етганда, қушбеги бошлиқ Тошкент йигитлари ҳам сувнинг бериги юзида кутиб турган эдилар. — А. Қодирий, Ўтган кунлар

5. Обрў, эътибор; юз-хотир.

Эр юзини ер очар, ер юзини эр очар. — Мақол

[Юсуфбек ҳожи:] Ҳар ҳолда ҳурматларини бажо келтир, Марғилон деган шаҳардан сенинг юзингни деб келадилар. — А. Қодирий, Ўтган кунлар

6. Кесиш ёки чопиш асбобларининг тиғи.

Пичоқнинг юзи. Болтанинг юзи.

Гўрков кетмон урса, ер нақ тошдай, кетмон юзини қайирибди. — Ойбек, Танланган асарлар

7. мат. Текислик ёки сиртнинг чизиқлар билан ўралган қисми; сатҳ.

Доиранинг юзи. Учбурчак юзи.

8. ёки Юзига қарамаслик (бормаслик) Ўзгага бериш, сарфлаш ва шу кабиларда аяб, ҳисоблашиб ўтирмаслик.

Барака топ, айланай, йигит деган шунақа мард бўлса. Беш сўм, ўн сўмнинг юзига қарамаса! — О. Ёқубов, Тилла узук

Булар бир тийин, икки тийин, беш тийиннинг юзига қарамай, чойга, нонга ортиқча пул тўлаб кетар эдилар. — Ғ. Ғулом, Шум бола

júzlik

от 1. Бирор нарсанинг усти, устки қисми, юзи, бети; сирт, сатҳ.

Силлик юза. Сув юзаси.

Юзадан ярим метргача нам тупроқ, ярим метрдан кейин ботқоқ кўчади. — А. Қодирий, Обид кетмон

Қўшниларнинг баланд иморатлари ҳовли юзасига андаккина офтоб туширарди, холос. — Мирмуҳсин, Умид

2. Атрофи очиқ, яланг; баҳаво.

Ҳожи уларнинг олдига — юзага чиққач, Офтоб ойим салом бериб, рўмоли билан томоқ остларини ўраб олди. — А. Қодирий, Ўтган кунлар

— Мана шу ёʻқ бир оз юзага ўхшайди, — деб аравакаш от бошини кўчанинг ўнг тарафига бурди. — Ойдин, Фонар тагида

3. рвш. Ер юзасига яқин, чуқур эмас.

Қизилқумнинг айрим ерларида тупроқ жуда юза ковланар, кўпинча агрегатлар харсанг тошларга дуч келиб, таққа тўхтаб қоларди. — Ж. Абдуллахонов, Тўфон

Кўпчилик майдонларимизда ер ости сувлари юза жойлашган. — Газетадан

1. Yüzdelik, faiz.ФОИЗ, ПРОЦЕНТ

2. Bir sayı sıfatıyla kullanıldığında, yüze bölünen bir şeyin o kadarlık parçasını belirtir.

Bir cismi uzaydan ayıran dış ve yaygın bölüm, satıh.УСТ, ЮЗА, САТҲ