fl. 1. Nihoyatda suvsamoq, chanqamoq.
Ochil akalar yana yarim tunda qaytishdi. Hammalari kela solib, yutoqib suv ichishdi-da, tappa tashlab, toshdek qotishdi. — A. Muxtor, Chinor
Kampir manniy krupa bilan shakar solib sut pishirdi. Uni shishaga solib bergan edi, bola xuddi ona koʻkragiga yutoqib yopishganday, ikki qoʻli bilan idishni changallab, miq-miq shimira ketdi. — H. Nazir, Koʻkterak shabadasi
2. Gʻoyat ochqamoq, ochlik his etmoq.
Umida qoʻlidagi zogʻora nonni yutoqib kavshardi. — Sh. Xolmirzayev, Oʻn sakkizga kirmagan kim bor
3. Umuman, biror narsaga oʻta talab boʻlmoq, ehtiyoj sezmoq.
Derazani ochib tashlaylik, Uy yutoqib oladi nafas. — U. Qoʻchqorov
Arslon kabi tutoqib, Dev singari yutoqib. — Z. Diyor
Bobur yutoqib, oldinga intildi navkarlar qurshovini yorib chiqqanda, yuziga shabada tegib, xiyol yengillashdi. — P. Qodirov, Yulduzli tunlar