«yumalanmoq» boʻyicha 4 ta natija
fl. Yumalamoq feʼlining majhul nisbati.
fl. 1. Aylanib, gʻildirab ketmoq; dumalamoq.
Gʻoʻla yumalab ketdi.
Bir choyshab anor har tomonga yumalab ketdi, bir nechasi obrezga tushdi. — A. Qahhor, Anor
Yusufjon hazil qilib, bolaning qoʻlidagi barabanini tushirib yuborgan edi, bola ham balandlikdan baraban bilan ketma-ket yumalab ketdi. — T. Obidov, Yusufjon qiziq
yiqilganda to adirning etagigacha yumalab ketishiga koʻzi yetar edi. — A. Qahhor, Maston
2. s. t. Yiqilmoq, qulamoq.
Bir oʻq bilan dushman otdan yumaladi.
Jangchilarimiz uzoqda dam yumalab, dam turib qochayotgan fashistlarni oʻq bilan qulatib yugurishdi. — Oybek, Quyosh qoraymas
Nihoyat, ikkovimiz baravariga pastga yumalab tushdik. — M. Qoriyev, Oydin kechalar
3. s. t. Yerga qulagan, choʻzilgan, agʻnagan holda boʻlmoq.
Jangchilarning koʻpi ovqatlanishni ham unutib, qalin pichan ustiga yumalab, uxlab qolishdi. — Oybek, Quyosh qoraymas
Gʻulomjon oʻz yeriga qaytdi. Guvohlar biri qornini quchoqlab, ikkinchisi yer-da behush yumalab yotardi. — M. Ismoiliy, Fargʻona tong otguncha
4. Toʻkilmoq, oqmoq (koʻz yoshi haqida).
Ayolning tosh qotgan koʻzlarini qaygʻu teshdi. Yuzlaridan tomchilar yumaladi. — Oybek, Quyosh qoraymas
5. poet. Ogʻmoq, botishga yaqinlashmoq (quyosh haqida).
Quyosh yumalab ketdi futbol toʻpiday, Lolalarga koʻmildi ufq qopqasi. — Gʻ. Gʻulom
fl. Yumalamoq feʼlining orttirma nisbati.
fl. Yumalamoq feʼlining birgalik nisbati.
