Поиск

fl. 1. Siltov bilan tortib uzib yoki sugʻurib olmoq.

Sochini yulmoq. Tovuq patlarini yulmoq. Ortiqcha gʻoʻzalarni yulib tashlamoq.

Ota semiz, boʻyab qoʻyganday qizil oʻtni yulib oldi. — S. Anorboyev, Oqsoy

Oʻz yonida gʻumay yulayotgan Adolatning qoʻli qiyilib qonaganini koʻrgan Begimxon xaxolab kulib yubordi. — I. Rahim, Chin muhabbat

Uka — jigar, tosh otay desa, jigarchilik, otmay desa, xon turipti; nihoyat, toʻnidan uvada yulib otibdi. — A. Qahhor, Qoʻshchinor chiroqlari

2. Tirnab jarohatlamoq, timdalamoq.

Birovning betini yulmoq.

— U-u harakat qildim, tepdim, urdim, yuldim, tirnadim — boʻlmadi, — dedi Hoji xola. — M. Ismoiliy, Fargʻona tong otguncha

Sochin yoyib, betin yulib, yoʻlga kirdi chaqqon boʻlib. — Murodxon

3. koʻchma Biror shaxs yoki xalq mulkidan oʻmarmoq, yulqib olmoq.

Yulgʻich yulib toʻymaydi. — Maqol

[Boy.] Nontepkilik qilma! Shu soqolim bilan yolgʻon gapiramanmi? Yulsam, senday gadodan yulamanmi? — Hamza, Boy ila xizmatchi

Amaldorlar esa turli yoʻllar bilan kambagʻal xalqning bor-budini yulib olar edilar. — OʻTA

4. koʻchma Ajratib olmoq.

Afsuski, fakt va dalillar, koʻpincha, umumiy kontekstdan yulib olib tahlil qilinadi. — Gʻ. Salomov, Tarjima nazariyasiga kirish

Huri oʻz xayolidan oʻzi choʻchib, boshini yostiqdan yulib oldi. — N. Fozilov, Diydor

5. koʻchma Biror narsa hisobidan chegirib qolmoq; tejamoq.

Agar sizlar mana shu yoʻl bilan butun bir mavsumda oʻn mehnat kunini pilladan yulib, paxtaga bergani yordam qilsalaring ham harna. — A. Qahhor, Kampirlar sim qoqdi

sft. Yulib tashlangan, yulib olingan, uzilgan.

Pati yuluq xoʻroz.

ot 1. Qizigan gaz (plazma)lardan tarkib topgan, tabiatiga koʻra Quyoshga oʻxshaydigan, kechasi nur sochuvchi nuqta boʻlib koʻrinadigan osmon jismi.

Yorugʻ yulduz. Xira yulduz. Qutb yulduzi. Yulduzlar turkumi.

Oqshom choʻkdi Toshkent qoʻyniga, Miltillashib koʻklarda yulduz. — X. Saloh.

Bu yerga quyosh ogʻdi salqin tushadi, kechalari, tepamizda yulduz toʻla osmon. — R. Azizxoʻjayev, Yashil chayla

2. Bir necha oʻtkir uchli geometrik shakl hamda shunday shaklga ega boʻlgan narsa.

Besh uchli yulduz. Yulduzning shaklini chizmoq. Archaning tepasiga yulduz oʻrnatmoq.

3. koʻchma Mashhur boʻlib tanilgan, shuhrat qozongan shaxs haqida.

Kino yulduzlari.

Dongʻi ketgan terimchi va shuhrat yulduziman, Lafzi halol, yuzi oq Fargʻonaning qiziman. — Uygʻun

Yigʻilganlarni qiziqtirgan narsa oʻzbek adabiyoti va sanʼatining yulduzlari, oʻzbek jangchilari boʻldi. — N. Safarov, Olovli izlar

4. Yulduz (xotin-qizlar ismi).

ot Guli mayda, oqish, mayda bargli buta.

Uzoq-uzoqlarda saksovul, turangʻi, yulgʻun va yantoq koʻzga tashlanib turardiki, bularning hammasi sahro quyoshining saxiy nuriga choʻmgandi. — Sh. Rashidov, Boʻrondan kuchli

ot Shaxs yoki jamoat mulkini (haqini) oʻmarish, yulishga moyil, shunday ish bilan shugʻullanuvchi shaxs.

Bunday ser-dabdaba toʻylarni oddiy mehnat ahllari emas, balki ayrim yulgʻichlargina qilishyapti. — Yu. Rajabiy, Toʻylar haqida oʻylar

Nazorat boʻsh boʻlgan joyda yulgʻichlarning pichogʻi moyda, deyishadi. — Mushtum

sft. 1. Yulduzlar koʻrinib turgan, yulduzi bor.

Yulduzli kecha. Yulduzli osmon.

Balandda, yulduzli koʻkda, qayoqqadir samolyotlar uchib oʻtdi. — Oybek, Quyosh qoraymas

2. Yulduz surati solingan, yulduz tamgʻali.

Besh yulduzli konyak.