Qidiruv

sft. 1. Qattiq ogʻriq, qaygʻu yoki kuchli sevinch-shodlik va shu kabilar natijasida yosh bezlaridan ajralib chiqadigan tiniq shoʻr suyuqlik.

Chin koʻngildan yigʻlasang, soʻqir koʻzdan yosh kelar. — Maqol

Hayotning oʻng yonogʻiga bir tomchi issiq yosh toʻkildi. — M. Ismoiliy, Fargʻona tong otguncha

— Bas, Oʻroz, koʻzimni koʻr qildi tutun, — Yoʻlchi yum-yum yosh toʻkib, achishgan koʻzlarini ishqalab, turtina-tur-tina, eshikni tepib ochdi. — Oybek, Tanlangan asarlar

Kelar yoʻling supuray sochim bilan, Changi chiqsa, suv sepay yoshim bilan. — Yo. Mirzo, Oʻgʻil mehri

2. koʻchma Yigʻi; nola.

Zolim boylar mazax qilib kulardi, Rahmi kelmay muhtojlarning yoshiga. — Ergash Jumanbulbul oʻgʻli

rvsh. Yosh bilan toʻlgan, yoshi oqib turgan.

Yoshli koʻzlar.

Eʼzozxon Qumriga yoshli koʻzlari bilan tikildi. — H. Gʻulom, Mashʼal

ot 1. Yosh ekanlik; yosh boʻlgan payt, davr.

Ahmad olti yoshligida ota-onasidan judo boʻldi. — F. Musajonov, Himmat

U yoshligida ixtisoslashgan fizika-matematika maktabida oʻqidi. — O. Moʻminov, Xiyobondagi uch uchrashuv

2. Oʻsmirlik, navqironlik.

Yoshlik chogʻlari.

Robiya ham abadiy yoʻqolgan begʻubor yoshligiga kuyunib yigʻlamoqda edi. — P. Qodirov, Yulduzli tunlar

Yoshligim, kuch bilan toʻlgan yoshligim, Yashnoq davrimizga yoʻldoshligim. — S. Abdulla

3. Yoshlarga xos xatti-harakat, xususiyat.

Yoshlik gʻururi.

Yoshlik shijoatiga keng yoʻl berish lozim. — Gazetadan

Oʻrta boʻyli, xush-qomat vujudidan yoshlik kuchi va gʻayrati yogʻilib turgan qop-qora juvon otda yoʻl boʻyida turar, Akramjon oʻz otining ayilini qayta bogʻlamoqda edi. — A. Qahhor, Ming bir jon

Koʻzlarida yoshlik shoʻxligi chaqnab turgan Sherbek hadeganday bosh qimirlatdi. — S. Anorboyev, Oqsoy

ot Bir yilda tugʻilgan; tengqur.

Yoshdosh oʻrtoq. Xotini oʻzi bilan yoshdosh.

ot Hamma yoshdagi odamlar, barcha.

Hammayoq odam: yosh-qari, xotin-xalaj, bola-baqra. Hammasi muqaddas mozorni ziyorat qilgani kelgan. — K. Yashin, Hamza

Yigit gʻala-gʻovur bilan farzandlarini kuzatayotgan ota-onalar, yosh-u qarilarni ham koʻrmas, fikri-zikri qizda edi. — U. Usmonov, Sirli sohil

fl. 1. Yosh koʻrinmoq; oʻzini yosh his qilmoq.

Gulsara yosharganga oʻxshaydi.

2. koʻchma Goʻzallashmoq, obod boʻlmoq

Yangi dunyo, yangicha hayot Zavqi bilan yoshardi Toshkent. — H. Gʻulom

Katta Fargʻona kapali zamonaviy irrigatsiya inshootiga aylanib, yosharib bormoqda. — Oʻzbekiston qoʻriqlari