сфт. 1. Ёниб, қизиб турган нарсадан тарқалган ёғду, нур.
Шам ёруғи.
Ғуломжон ўчоқдаги ўт ёруғида қомати хирагина кўриниб турган дўстини бориб қучоқлади. — М. Исмоилий, Фарғона тонг отгунча
Элмурод палаткага кирди. Палатка шам ёруғида эртакларда учрайдиган гўзаллик ва файз кашф этган. — Шуҳрат, Шинелли йиллар
2. Нур тушиб турган; равшан, чароғон.
Кўчалар ёруғ. Ойнинг ўн беши қоронғи бўлса, ўн беши ёруғ. — Мақол
Уй ёруғ эди. Сергей стол лампасини ўчирмай ухлаб қолганди. — П. Қодиров, Уч илдиз
3. кўчма Бахтли, нурли, ёрқин.
Фотима дунёга келиб, ўзи билан шу қадар меҳрибон, хушмуомала гаплашадиган одамлар борлигини, уларнинг бирдан-бир мақсадлари уни озод қилиб, ёруғ ёʻлга бошлаш эканини англади. — П. Турсун, Ўқитувчи
Бу кўз ёшларини ғам ва ҳасрат эмас, аксинча, ўша ёруғ ҳислар туғдирган эди. — О. Ёқубов, Ота изидан
- Ёруғ дунё 1. Ер юзи, олам, тириклик дунёси. Ёруғ дунёнинг лаззати — рўзғор билан фарзанд. — И. Раҳим, Ихлос[Ғофир:] Бу ёруғ дунёга нима учун келдик — ? Ҳамза, Бой ила хизматчи;
- Ёруғ жаҳон Ҳозирча Феруз бу ёруғ жаҳондан, бу тож-у тахтдан кўнгил узишни ўйлагани ҳам ёʻқ. — С. Сиёев, Ёруғлик
- Ёруғ кун Бахтли кун, дақиқа. Сен ҳам келадиган ёруғ кунлар бор экан, айланай болам! — М. Исмоилий, Фарғона тонг отгунча
- Ёруғ юлдуз 1. Катта, кучли нур сочувчи юлдуз. Зулфиқор Бадиадан қанча узоқлашиб кеца, у ёруғ юлдуздек шунча ярқираб кўрина бошлади. — Мирмуҳсин, Меъмор;Аввал устод Табибий ёш шоирнинг нуктадонлигини обдан мақтади, истиқболдан башорат қилди, ҳазрати олийларининг муборак саройларига Аваз отлиғ бир ёруғ юлдуз бош уриб келганлигини сўзлади. — С. Сиёев, Ёруғлик
- Кўзига (ёки унга) ёруғ дунё қоронғи (бўлди) Кўзига ҳеч нарса кўринмай қолди; кўнгли ғаш, қаттиқ хафа. Азизбек кўзига ҳозир ёруғ дунё қоронғи, бу қоронғилик ичида бояги ширин хаёллар кўринмай қоладилар. — А. Қодирий, Ўтган кунлар
- Юзи ёруғ . И