Hayot Foundation loyihasi
Loyiha haqida
Oʻz
Oʻz

Qidiruv

«yolgon» boʻyicha 27 ta natija

Filtr
Boʻlim
Lugʻatlar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

25 ta
yolgʻon
Izohli lugʻat · yana 7 ta lugʻatda

ot 1. Haqiqatga zid, notoʻgʻri; haqiqatda boʻlmagan.

Yolgʻon soʻz. Yolgʻon xabar.

[Otabek] Ilgari oʻzining yolgʻon javoblaridan juda xavotirlanar edi. A. — Qodiriy, Oʻtgan kunlar

— Qaysi noinsof topib keldi sizga bu yolgʻon gapni? — dedi Alim buva xunob boʻlib. — M. Ismoiliy, Fargʻona tong otguncha

2. Haqiqiy emas, soxta, yasama; yolgʻondakam.

Yolgʻon yigʻi. Yolgʻon kulgi.

3. ot Haqiqatga toʻgʻri kelmaydigan, notoʻgʻri gap, narsa; uydirma.

Shirin yolgʻondan achchiq haqiqat yaxshi. — Maqol

Yov makrini yolgʻon yashirar. — Maqol

Hayot haqiqatini kuylasang, xalq uchun yozsang, tayoq yeysan; yolgʻonni yozsang, boshingni silaydilar. — Oybek, Nur qidirib

Yolgʻonni sal kishi ishonadigan qilib gapirish kerak, Safarali. — A. Qodiriy, Mehrobdan chayon

  • Yolgʻon arafa
  • Yolgʻon barg Urugʻdan unib chiqqan dastlabki qoʻsh barg. Gʻoʻza yolgʻon barg chiqarishi bilan darhol yagana finishi shart. — N. Safarov, Hayot maktabi
  • Yolgʻon tong Tongotardan ancha oldin, tong yorishgandek tuyiladigan payt; subhi kozib. Tong boʻzarib yorishdi. Yolgʻon tongda adashib yoʻlga chiqqan bulutlar taraldi. — Shuhrat, Shinelli yillar
  • Yolgʻonni suv qilib ichmoq Koʻp yolgʻon gapirmoq. — Yolgʻonniyam suv qilib ichasan-da, Shermatxoʻja! — dedi birov. — S. Siyoyev, Yorugʻlik
  • Gʻirt yolgʻon Butunlay notoʻgʻri. Lekin Hoshimovning, shu boʻri bolasiga mahliyo boʻlib, Akrom yaxshi oʻqiy olmay, oltinchi sinfdan qolib ketdi, degani gʻirt yolgʻon. — X. Toʻxtaboyev, Shirin qovunlar mamlakati
Toʻliq maqola →
yolgʻonchi
Izohli lugʻat · yana 7 ta lugʻatda

ot Yolgʻon gapiradigan odam; aldamchi; kazzob.

Yolgʻonchiga qoʻshilma, rost soʻzingni yashirma. — Maqol

— Yolgʻonchi ekan-siz, oʻtinchi bola, — deb qiz paqirini yerga qoʻydi. — S. Siyoyev, Yorugʻlik

— Asadning oldida yolgʻonchi boʻlmay deyapman-da, — chaynaldi Ahmad. — F. Musajonov, Himmat

Qizil gulni bogʻla-dim argʻamchiga, Qaydin ham koʻngil berdim yolgʻonchiga. — Oq olma, qizil olma

  • Yolgʻonchi dunyo Yolgʻonchi dunyoda rizqim uzildi, Diyda giryon boʻlib, bagʻrim ezildi. — Alpomish
Toʻliq maqola →
yolgʻonlik
Izohli lugʻat · yana 2 ta lugʻatda

ot Notoʻgʻrilik, toʻgʻri emaslik; soxtalik.

Murodxonga singlisi qarab, gapining yolgʻonligini sezib, akasining soʻziga ishonmay, bir soʻz aytibdi. — Murodxon

Buning yolgʻonligi maʼlum boʻlguncha, dalada ish toʻxtab qoladi. — A. Qahhor, Qoʻshchinor chiroqlari

Toʻliq maqola →
yolgʻondaka
Izohli lugʻat · yana 1 ta lugʻatda

ayn. Yolgʻondakam.

— Yana sovuq suvga yuvindingmi? — dedi yolgʻondaka poʻpisa qilib. — Oʻ. Hoshimov, Qalbingga quloq sol

  • Yolgʻondaka dunyo Bevafo, oʻtkinchi olam. Aslini soʻrasangiz, hammamiz bu yolgʻondaka dunyoga mehmonmiz. — K. Yashin, Hamza
Toʻliq maqola →
yolgʻondakam
Izohli lugʻat · yana 3 ta lugʻatda

1. Haqiqiy, chin emas; soxta, qalbaki.

Yolgʻondakam toʻpponcha. Yolgʻondakam hujjat.

2. Gʻayritabiiy, soxta.

Qiz yolgʻondakam noz-firoq bilan dik etib turdi. — S. Siyoyev, Yorugʻ-lik

U oʻzini yolgʻondakam uyquga solib, mudraganday oʻtirgan ekan. — Oybek, Bolalik

Akmal Hamdam yolgʻondakam sharaqlab kuldi. — F. Musajonov, Himmat

Toʻliq maqola →

Hammasini koʻrish · 25 →

Taʼriflar ichida

1 ta

Sheva materiallari

1 ta