«yogʻli» boʻyicha 95 ta natija: Izohli
sft. 1. Yogʻi koʻp, seryogʻ.
Yogʻli shoʻrva. Yogʻli patir.
Kechki norin uchun katta qozonda yogʻli qazi pishadi. — Oybek, Tanlangan asarlar
Mehri bir xaltada oyisi yopib bergan yogʻli patirdan olib chiqdi. — H. Nazir, Yonar daryo
2. Koʻchma Yaxshi daromad beradigan.
Uning oʻrniga chol javob qildi: — Opponbek yogʻli ish topib olganlar. — S. Ahmad, Saylanma
U [Qosimov] yogʻli mansabga erishish yoʻlida hech qanday yaramasliklardan qaytmas edi. — O. Yoqubov, Ota izidan
YOGʻ ’moy modda’. Xotin-qizlar kuv pishib, yo gʻ ajratmoqda (Sadriddin Ayniy). Qadimgi turkiy tilda ham shunday maʼnoni anglatgan bu ot ya:gʻ tarzida ta — laffuz qilingan (ЭСТЯ, IV, 59), keyinroq a: unlisi — ning choʻziqlik belgisi yoʻqolgan (Devon, III, 175; DS, 223); oʻzbek tilida a unlisi â unlisiga almashgan: ya:gʻ > iagʻ > iâgʻ. Bu soʻz asli ’moy ajrat-’ maʼnosini anglatgan GeSTYA^eT QOʻSHIMCHZSI bilan yasalga n deyiladi
1. Chorva mollari, umuman, jonivorlar organizmida, sutida, baʼzi oʻsimliklarning urugʻi, doni, gulida boʻladigan, ulardan ajratib olinadigan moy
Qoʻy yogʻi. Mol yogʻi. Kunjut yogʻi. Eritilgan yogʻ. Yogʻni qizdirmoq. Yogʻni eritmoq. yaya Yogʻni yoqqa, goʻshtni goʻshtga endi ajratib boʻlay deganimizda, Joʻraposhsha kelib qoldi — M. Ismoiliy, Fargʻona tong otguncha
Daraning aholisi oʻz ishi bilan mashgʻul: xotin-qizlar kuv pishirib, yogʻ ajratmoqda — S. Ayniy, Doxunda
2. Yogʻi yoʻq Unumsiz, kam unumli. . Yogʻi chiqadimi Ayni bir ish hadeb takrorlay berilganda aytiladigan ibora. . Yogʻi chikdi Nihoyatda kir boʻlib, yiltirab ketgan kiyim haqida
Soʻngra bu yerlarning yogʻi yoʻq, oriq, kamhosil ekanini hammamiz bilamiz-ku, nega bu toʻgʻrida lom demaydshshr — Sh. Rashidov, Boʻrondan kuchli
Tekshiravergan bilan yogʻi chiqadimi? — S. Ahmad, Hukm
Doʻppining yogʻi chiqdi
Yogʻi chiqib yiltirab ketgan paxtalik kiyib olgan Karimov ichiga nimadir toʻldirilgan qopni orqalabdi — I. Qalandarov, Shoxidamas, bargida
3. shv. Yogʻ tushsa (yoki tomsa) yalagu(n)day Supurib-sidirilgan, nihoyat darajada toza, ozoda. . Ilonning yogʻini yalagan Ayyor, mugʻambir, quv. . Koʻzini yogʻ bosmoq Birovni nazar-pisand qilmay qoʻymoq. . Koʻzining yogʻini yemoq Oʻzini kimgadir yaqin koʻrsatib, uning xayrixohligidan ortiq darajada foydalanmoq. . Oq yogʻ 1) qoʻy yogʻi; 2) chigit (paxta) yogʻi. Ogʻzingga yogʻ Balli, yasha. . Oʻz yogʻiga (oʻzi) qovurilmoq Oʻz qiyinchiligini oʻzi tortmoq
Hamma narsa saranjom. Hovli-joy yogʻ tushsa yalagudek — S. Anorboyev, Pushaymon
Koʻp ishni koʻrgan bu Zunnunov. Ilonning yogʻini yalagan. Juda nozik joyini topibdi — I. Raxim, Ixlos
Fursatdan foydalanib, Poʻlat ota uni uzib-uzib oldi: -Yoʻq! Men koʻzini yogʻ bosgan bandalarga elashmayman, arzimnixudoga aytaman — K. Yashin, Hamza
-Sizda vijdon degan narsa yoʻq. Koʻzimning yogʻini yeb, boshimga ish tushganda qochdingiz, — dedi bolaning otasi Karimovga — S.Axmad, Dadamning oʻrtogʻi
Kampir xuddi hozir oʻgʻli kelin bilan qoʻl ushlashib kirib kelayotganday, eshikka qaradi: -Voy, ogʻzingga yogʻ, oʻgʻlim! — A. Qahxor, Qoʻshchinor chiroqlari
Uch kundirki, Boʻtaboy oʻz yogʻiga oʻzi qovurilib, uyda oʻtiribdi. S — Ahmad, Hukm
ot 1. Hind falsafasining 6 ta sobitqadam (Vedalarni tan oluvchi) tizimlaridan biri; materiya bilan ruhni qarama-qarshi qoʻyadi.
2. Kishi ruhiyati va fiziologiyasi (nafas olish, qon bosimi, modda almashinuvi, uyqu va boshqalar)ni (muayyan jismoniy mashqlar vositasida) boshqarish haqidagi taʼlimot va metod (usul); Hindiston diniy va falsafiy tizimlarining xalos boʻlish holatiga erishishni maqsad qilib qoʻyuvchi tarkibiy unsuri.
ot Yorituvchi manbadan taraluvchi yorugʻlik, nur.
Oy yogʻdusi.
Koʻtarilib kelayotgan quyoshning yogʻdusi daraxtlar tepasi-da qanot qoqa-qoqa, zumrad vodiyni zarga koʻma boshlaydi. — N. Safarov, Uzoqni koʻzlagan qiz
Toʻlin oy sutdek yogʻdusini maktab sahni va tom tunukalariga ayovsiz toʻkar, bulbul esa hamon sayrar edi. — P. Tursun, Oʻqituvchi
ot Qor, yomgʻir, doʻl tarzida bulutdan tushadigan atmosfera namligi.
Kuzning sovugʻi keldi-yu, yogʻini kelmadi. — H. Gʻulom, Toshkentliklar
Yogʻin yogʻsa, halqob yerlar loylanadi, Bu ishda qoʻrqoqning qoʻli boylanadi. — Oysuluv
ot esk. Dushman, gʻanim.
Mirzam! Ikki tarafimizni yogʻiy bosgan [dedi Qosimbek]. — P. Qodirov, Yulduzli tunlar
Izidan yogʻiylar yelardi otda, Jaranglab yetardi tuyoqlar sasi. — X. Davron, Bolalikning ovozi
yalansi Yogʻli, kuchli ovqatga ehtiyoj sezmoq, talab boʻlmoq; yovgʻonsiramoq.
ko‘mik Suyakning gʻovak qismi; suyak boʻshligʻini toʻldirib turadigan yogʻli toʻqima.
qatiqchi Qatiq bilan savdo qiluvchi, qatiq sotuvchi. Yodgor koʻzlarini yarim yumgancha uzoq yotdi. Yoʻlakdan qatiqchi bolaning ovozi keldi: Issiq non yogʻli qatiq Oʻ. Hos
manti Goʻsht va piyoz qiymasini xamirga tugib, qasqonda pishiriladigan ovqat. Chuchvara nima ekan, Sidiqjon aka, yogʻli manti qilib beraman. Xamiri yupqaroq boʻlsinmi, qa
peshnop Qoʻyning kindik atrofidan olingan yogʻli goʻsht. [Mullajon:] Shu qarzdan uzilay, undan keyin goʻsht doʻkoniga ishga kiraman, yeganing peshnop, kiyganing atlas boʻ
qiyma Chopqi bilan chopib yoki goʻsht-qiymalagichdan oʻtkazib maydalangan goʻsht. Yogʻli qiyma. Goʻshtni qiyma qilmoq. Ovqatga qiyma solmoq. Qiyma shoʻrva. Bakovul ichiga
Uch oʻgʻilga otasidan qolgan bir xumcha oltin va ularning taqdiri haqida hikoya qilinadi. Ertakda mardlik, adolat va doʻstlikning qadr-qimmati ochib beriladi.
Bu ertak oʻgay onaning zulmidan qochib, oʻz baxtini topishga intilgan Boʻz bola va uning sadoqatli doʻstlari haqida hikoya qiladi. Ertakda muhabbat, sadoqat va
Yetim qiz oʻgay onasining zulmidan qutulish uchun gʻordagi kampir yordamida turli sinovlardan oʻtadi. Oxir-oqibat, u podshohga turmushga chiqib, baxtli hayot ke
Ertakda xoʻjayinlarining zulmidan qochib, baxtli hayot izlab Susambilga yoʻl olgan jonivorlarning sarguzashtlari hikoya qilinadi. Ular yoʻlda bir-birlariga qoʻs
Bu ertakda Xoʻjamurod ismli yigitning oʻgay onasining yomon niyatlaridan oʻz aql-zakovati bilan qanday qutulib qolgani hikoya qilinadi. U oʻgay onasining hiyla-
Zolim podsho oʻzining shafqatsiz farmonlari bilan xalqni qiynaydi. Bir yigit otasining maslahati bilan podshoning zulmiga chek qoʻyishga harakat qiladi.
