«yiqitar» boʻyicha 11 ta natija: Izohli
fl. kam qoʻll. Yiqitmoq, qulatmoq.
Bilagi zoʻr birni yiqar, bilimi zoʻr mingni yiqar. — Maqol
Oʻroq oʻtkir edi. Oʻralib-chaplashib oʻsgan qalin maysani [Yoʻlchi] shar-shar yiqib borar ekan, oʻzi ham zavqlandi. — Oybek, Tanlangan asarlar
Eskini yiqamiz, yangini quramiz. — Uygʻun, Navbahor
sft. kam qoʻll. Yiqilgan, buzilgan, vayron.
Maston xola bilan Tursunoy yiqiq devorlardan oʻtib, hovliga qadam bosganlarida, qarshidagi ayvonda shayxning katta gavdasi koʻrindi. — Uygʻun, Tursunoy
fl. 1. Tik holatini yoʻqotib, yer tomon tushmoq; qulamoq.
Koʻkka boqqan yiqilar. — Maqol
Said Jalolxon oʻrnidan turgan edi, gandiraklab yiqildi. — A. Qahhor, Bashorat
Isfandiyorxon Avazning betiga shapaloq tortib yubordi. Avaz gandirakladi-yu, yiqilmadi. — S. Siyoyev, Avaz
Koʻchada gursillab devorlar yiqiladi, sharaqlab daraxtlar qulaydi. — A. Qahhor, Bashorat
2. Tepadagi joyidan pastga tomon qulamoq.
Daraxtdan yiqilmoq. Tomdan yiqilmoq.
Chavandozlardan biri marraga yaqin qolgan-da, otdan yiqilib tushdi. — K. Yashin, Hamza
3. Kurashda yengilmoq, magʻlubiyatga uchramoq.
Yiqitgan mard emas, yiqilganni turgʻizib qoʻygan mard. — Maqol
Yiqilgan kurashga toʻymas. — Maqol
4. koʻchma Imtihonda yomon baho olmoq, sinovdan oʻtolmay qolmoq.
[Nigora] Toshkentga oʻqishga kelgan ekan, kimyodan topshira ol-may yiqilibdi. — M. Qoriyev, Oydin kechalar
5. koʻchma Hokimiyatdan mahrum boʻlmoq, ajralmoq; agʻdarilmoq; yoʻq qilinmoq.
Mustabid hokimiyat yiqildi.
fl. 1. Kuch bilan qulatmoq, agʻdarmoq; agʻnatmoq, buzmoq.
Shamol daraxtlarni yiqitdi. Devorni yiqitmoq.
Chakalakzordan katta-kichik daraxtlarni yiqitib, majaqlab chiqqan tank Ahmadjon tomon kela boshadi. — A. Qahhor, Oltin yulduz
2. Balandlikdan pastlikka tushirib yubormoq; qulatmoq.
Tomdan yiqitib yubormoq.
3. Kurashda gʻolib chiqmoq, ustun kelmoq; kuch bilan yerga yotqizmoq.
— Yiqitgan polvon yiqilganni koʻtarib qoʻyadi, — dedi Oʻrmonjon Qurbon otaga koʻz qisib. — A. Qahhor, Qoʻshchinor chiroqlari
4. koʻchma Kuch, zoʻr bilan hokimiyatdan mahrum qilmoq, chetlashtirmoq; yoʻq qilmoq.
Rahmatxonning ovozi yigʻin tepasida yangrab ketdi: — Xalq podshoni yiqitdi. Lekin xalqning ahvoli oʻzgarmadi. — P. Tursun, Oʻqituvchi
5. koʻchma Imtihon, sinovda yomon baho qoʻymoq; imtihondan oʻtkazmay qoʻymoq.
Ikki marta darsga qatnasha olmagani uchun fransuz tili oʻqituvchisi uni imtihonda yiqitmoqchi boʻldi.
fl. Yiqitmoq feʼlining majhul nisbati.
ot Yiqitmoq feʼlidan sifatdosh.
uyqu Odam va hayvonlarda davriy yuz beradigan fiziologik holat (Uyquda nerv sistemasi, asosan, bosh miya poʻstlogʻining faolligi pasayadi, ong, muskul tonusi va sezuvchan
Uch opa-singil otalarining zolimligidan qochib, har biri oʻz yoʻliga ravona boʻladi. Kenja qiz Iqbol ayiq bilan turmush qurib, Ayiqpolvon ismli oʻgʻil koʻradi.
Ushbu ertakda ayiq tomonidan oʻgʻirlab ketilgan podsho qizining oʻgʻli Loʻnda polvonning sarguzashtlari hikoya qilinadi. U oʻzining gʻayritabiiy kuchi va doʻstl
Bu ertakda jasur choʻpon Muqbil toshotarning podshoh qizi Mehrinigorga boʻlgan muhabbati va uning yoʻlidagi qiyinchiliklar tasvirlanadi. Muqbil oʻz sevgisi uchu
