Қидирув

фл. 1. Тик ҳолатини ёʻқотиб, ер томон тушмоқ; қуламоқ.

Кўкка боққан йиқилар. — Мақол

Саид Жалолхон ўрнидан турган эди, гандираклаб йиқилди. — А. Қаҳҳор, Башорат

Исфандиёрхон Авазнинг бетига шапалоқ тортиб юборди. Аваз гандираклади-ю, йиқилмади. — С. Сиёев, Аваз

Кўчада гурсиллаб деворлар йиқилади, шарақлаб дарахтлар қулайди. — А. Қаҳҳор, Башорат

2. Тепадаги жойидан пастга томон қуламоқ.

Дарахтдан йиқилмоқ. Томдан йиқилмоқ.

Чавандозлардан бири маррага яқин қолган-да, отдан йиқилиб тушди. — К. Яшин, Ҳамза

3. Курашда енгилмоқ, мағлубиятга учрамоқ.

Йиқитган мард эмас, йиқилганни турғизиб қўйган мард. — Мақол

Йиқилган курашга тўймас. — Мақол

4. кўчма Имтиҳонда ёмон баҳо олмоқ, синовдан ўтолмай қолмоқ.

[Нигора] Тошкентга ўқишга келган экан, кимёдан топшира ол-май йиқилибди. — М. Қориев, Ойдин кечалар

5. кўчма Ҳокимиятдан маҳрум бўлмоқ, ажралмоқ; ағдарилмоқ; ёʻқ қилинмоқ.

Мустабид ҳокимият йиқилди.

фл. кам қўлл. Йиқитмоқ, қулатмоқ.

Билаги зўр бирни йиқар, билими зўр мингни йиқар. — Мақол

Ўроқ ўткир эди. Ўралиб-чаплашиб ўсган қалин майсани [Ёʻлчи] шар-шар йиқиб борар экан, ўзи ҳам завқланди. — Ойбек, Танланган асарлар

Эскини йиқамиз, янгини қурамиз. — Уйғун, Навбаҳор

сфт. кам қўлл. Йиқилган, бузилган, вайрон.

Мастон хола билан Турсуной йиқиқ деворлардан ўтиб, ҳовлига қадам босганларида, қаршидаги айвонда шайхнинг катта гавдаси кўринди. — Уйғун, Турсуной

фл. 1. Куч билан қулатмоқ, ағдармоқ; ағнатмоқ, бузмоқ.

Шамол дарахтларни йиқитди. Деворни йиқитмоқ.

Чакалакзордан катта-кичик дарахтларни йиқитиб, мажақлаб чиққан танк Аҳмаджон томон кела бошади. — А. Қаҳҳор, Олтин юлдуз

2. Баландликдан пастликка тушириб юбормоқ; қулатмоқ.

Томдан йиқитиб юбормоқ.

3. Курашда ғолиб чиқмоқ, устун келмоқ; куч билан ерга ётқизмоқ.

— Йиқитган полвон йиқилганни кўтариб қўяди, — деди Ўрмонжон Қурбон отага кўз қисиб. — А. Қаҳҳор, Қўшчинор чироқлари

4. кўчма Куч, зўр билан ҳокимиятдан маҳрум қилмоқ, четлаштирмоқ; ёʻқ қилмоқ.

Раҳматхоннинг овози йиғин тепасида янграб кетди: — Халқ подшони йиқитди. Лекин халқнинг аҳволи ўзгармади. — П. Турсун, Ўқитувчи

5. кўчма Имтиҳон, синовда ёмон баҳо қўймоқ; имтиҳондан ўтказмай қўймоқ.

Икки марта дарсга қатнаша олмагани учун франсуз тили ўқитувчиси уни имтиҳонда йиқитмоқчи бўлди.

фл. Йиқитмоқ феълининг мажҳул нисбати.

от Йиқитмоқ феълидан сифатдош.