Поиск

ot 1. Bir yilga moʻljallangan: bir yil ichida sodir boʻladigan.

Yillik majburiyat.

Dehqon ahdi, vaʼdasining qatʼiyligiga boʻlimning yillik yakunlarini tahlil qilganda yana bir bor qanoat hosil qildik. — Oʻzbekiston qoʻriqlari

2. Muayyan tarixiy voqea-hodisani nishonlash, bayram qilishdagi yil hisobini ifodalaydi.

Oʻzbekiston mustaqilligining 15 yilligiga bagʻishlangan ilmiy anjuman.

ot 1. Yerning Quyosh atrofida bir marta aylanib chiqish muddati; oʻn ikki kalendar oyiga teng vaqt, shunday vaqtga teng oʻlchov.

Oʻtgan yil. Bu yil. Yilning toʻrt fasli.

2006-yil uchun obuna davom etmoqda. — Gazetadan

Bu yil yogʻin-sochin koʻp boʻlib, yer-koʻk chamanday yashnab ketdi. — S. Siyoyev, Yorugʻlik

2. Biror hodisa, voqea yuz bergan kundan boshlab oʻtgan oʻn ikki oylik vaqt.

Uning ishga kirganiga besh yil boʻldi.

Uchinchi otam bilan ikki yilcha yaxshi turishdi. — Oʻ. Hoshimov, Qalbingga quloq sol

3. Oʻn ikki oylik vaqt bilan hisoblanadigan kalendar tizimi.

Milodiy yil. Hijriy yil. Kabisa yili. Quyosh yili. Oy yili. Qamariya yil hisobi.

4. astr. Biror planetaning Quyosh atrofida bir marta aylanishida oʻtadigan muddat.

Mars yili (687 sutkaga teng),

Zuhra yili (225 sutkaga teng).

5. tar. Muchal yil hisobida oʻn ikki muchalning har biri (

U qoʻy yilida tugʻilgan. — Yiling nima? —Yilim — sichqon.

Bu yil it yili ekanmi, bilmayman. Kulollikda ham meni itlar tinchitmadi. — Gʻ. Gʻulom, Shum bola

6. eti. q. Yil oshi.

Xaldorbekovning yili oʻtar-oʻtmas, boyvachchaga kenja xotin boʻlib tushgani mahalla-koʻy oʻrtasida ancha noxush gap-soʻzlar uygʻotgan edi. — K. Yashin, Hamza

Ежегодный основной отпуск

Ежегодный трудовой отпуск

Ежегодный дополнительный отпуск

Среднегодовой