Qidiruv

Yigitlarga xos, mardona, mardonavor.

Yigitlarcha ishlamoq.

ot 1. Jinsiy va jismoniy jihatdan voyaga yetgan erkak.

Ularning biri yigirma yoshlardagi qotma, xipcha yigit edi. — I. Rahim, Chin muhabbat

2. Umuman, yosh erkak, yosh kishi.

Mana shu yerda MTS tashkil qilindi-yu, bunga oʻsha paxta zavodida ishlaydigan bir yigit kattakon boʻlib keldi. — A. Qahhor, Qoʻshchinor chiroqlari

3. koʻchma Er kishi, jasur odam, mard.

Yigit soʻzidan qaytmas, arslon — izidan. — Maqol

Er yigit boshiga ish tushganda sinalar. — Maqol

Yigitning moli yerda. — Maqol

4. s. t. (egalik qoʻshimchasi bilan) Qizning koʻngil qoʻygan kishisi, sevgilisi.

Hoy, menga qara, seningcha, yigiti bor qiz birov bilan gaplashmaydimi? — Shuhrat, Shinelli yillar

5. Biror harbiy toʻdaga, guruhga mansub boʻlgan erkak kishi.

Oradan uch-toʻrt daqiqa oʻtgandan keyin, Kamolon tarafidan bir yuz chamalik sarkarda va yigitlari bilan Azizbek koʻrindi. — A. Qodiriy, Oʻtgan kunlar

6. Oʻziga nisbatan yoshi kichik kishiga murojaat qilishda qoʻllanadi.

Yigit, bu yoʻl qayoqqa olib boradi?

Hay, oʻt yigit, haligi soʻzlaring oltinga arziydi — Oybek, Tanlangan asarlar

ot Yigit singari, yigitga xos, yigitdek; mardona.

Bir yigitcha ish qilmoq.

Qiz toʻn, doʻppi kiyib, belbogʻ bogʻlab, yigitcha oʻyinga tushdi.

ot 1. Er jinsidagi shaxsning balogʻatdagi davri, balogʻatga yetgan davri.

U yigitligini darbadarlikda oʻtkazib, Andijondan Buxorogacha piyoda kezgan barcha katta-kichik togʻa deb hurmatlaydigan Yusvali chol edi. — P. Tursun, Oʻqituvchi

Yosh-san, sogʻsan, ishla, oʻyna, ulfat qur, har bir shoʻxlik yigitlikda yarashadi, bolam. — Oybek, Tanlangan asarlar

2. Shaxsning balogʻatga yetgan, yigit davriga xos.

Yigitlik gʻururi.

Ogʻir, vazmin yigit. Oftob tigʻida qoraygan bilaklaridan yigitlik kuchi yogʻilib turibdi. — M. Hazratqulov, Jurʼat

Yigitlikning shoʻx havaslari yurakda bir lahza chayqalib ketdi. — Oybek, Tanlangan asarlar

3. Yigitga xos mardlik, dovyuraklik, jasurlik.

— Juda yaxshi, juda soz boʻpti, asl yigitlik qilibsiz — dedi Elmurod. — P. Tursun, Oʻqituvchi

Uning yigitligiga tilda tahsin oʻqib yugurib kelayotganim-da, bek aka. — A. Qodiriy, Mehrobdan chayon

4. ayn. Yigitchilik.

Sen hali yoshlik qilasan. Yigitlik emish. Shu ham gap boʻpti-yu. — Oybek, Tanlangan asarlar

ot esk. Biror harbiy toʻda yoki guruhga (yigitlarga) bosh kishi, boshliq.

Janoblari Rahmonqul qoʻshinini oʻz himoyasi va idorasiga oldilar. Endi unga siz kabi, Komil afandi kabi yigitboshilar kerak. — H. Gʻulom, Mashʼal

ot Yigitlikda boʻladigan xatti-harakat, yurish-turish.

— Boʻlgʻusi qaynatamizning kichkina bogʻlari bor edi. Yigitchilik ekan-da, bozor kuni gʻira-shira mahalida uch paxsa devordan oshib tushdim, — dedi chol. — P. Tursun, Oʻqituvchi