фл. 1. Ёйиқ, чочиқ нарсаларни бир жойга тўпламоқ; йиғмоқ.
Баъзилар зиналарга сочилиб қолган ғишт бўлакларини, кесакларни дарҳол йиғиштириб олиб ташлардилар. — Мирмуҳсин, Меъмор
Солиҳ иш вақти тугашига икки соат қолганда нарсаларини йиғиштирди. — О. Мўминов, Хиёбондаги уч учрашув
2. Йиғиб-териб олмоқ, (деҳқончилик, дала маҳсулотлари ҳақида).
Ақл-заковат билан иш тутиб, теримни нечоғлиқ тезлаштир-сак, ҳосилни шунча тезроқ йиғиштириб оламиз. — Газетадан
Деҳқоннинг олтинпази пахта теради, соҳибкори узум узади, қовунчиси полиз йиғиштиради, молбоқари хашак жамғаради. — Газетадан
3. Жам ҳолга келтирмоқ.
Кўчларингни йиғиштир! Аравани қўш! Қувага жўнагаймиз. — П. Қодиров, Юлдузли тунлар
4. Ишлатилган, фойдаланилган нарсаларни ётган (турган) жойидан йиғиб олмоқ, ўрин-жойни тартибга келтирмоқ, тозаламоқ, саранжом-саришта қилмоқ.
Отабек киргизилган Ҳасаналининг уйи Ойбодоқ она томонидан тозагина йиғиштирилиб асбоб-жиҳозлар билан зийнатланган эди. — А. Қодирий, Ўтган кунлар
Ташқари ҳовлида ҳамма уйларни йиғиштирдим, кўрпачаларни ҳовлига олиб чиқиб қоқдим. — Ойбек, Танланган асарлар
У ёқ-бу ёғингни йиғиштир, меҳмон келади. — С. Зуннунова, Янги директор
5. Тартибли ҳолатга солмоқ, эпақага келтирмоқ (ўзини ёки ўзидаги бирор нарсани).
Бошяланг, сочини яхшигина йиғиштириб қўйган. — Ойдин, Ҳикоялар
Жувон рўмолини олиб ўради, этакларини йиғиштириб ўрнашиб ўтирди. — А. Қаҳҳор, Қўшчинор чироқлари
Қачондан бери сипо бўлиб қолдинг? Қизлардан гап кеца, оғзингни йиғиштириб ололмасдинг-ку! — Шуҳрат, Шинелли йиллар
6. Бас қилмоқ, барҳам бермоқ.
Мен шотида ўтириб китоб ўқишни ҳам, овга чиқишни ҳам йиғиштириб қўйдим. — Ш. Холмирзаев, Ёʻллар, ёʻлдошлар
Аҳмад иш топишдан умидини узиб, редаксияларга учрашни йиғиштириб қўйди. — Ф. Мусажонов, Ҳиммат
- Дов-дастгоҳни йиғиштирмоқ
- Тахта-ўқлоғини йиғиштирмоқ Бирор иш-фаолиятни тўхтатмоқ. Повуркон (фабрика) моллари ҳамма ёқни тўлдириб, косибларнинг бозорини касод қилганлиги, иши чиппакка чиққан косиблар бирин-кетин тахта-ўқлоғини йиғиштираётганлигини тасвирлаб кетди. — Ойбек, Танланган асарлар
- Эсини (ёки эс-ҳушини) йиғиштирмоқ Эс-ҳушини жойига келтирмоқ, фикр-хаёлини тўғри ёʻлга солмоқ. Ҳамза эс-ҳушини йиғиштириб олиб, қоғозни буклоғидан ёзди-да, унга кўз югуртириб, шу сўзларни ўқиди — К. Яшин, ҲамзаЁлғизжон аввал гумбурлаган овозни эшитди эсини йиғиштиришга уринди, аммо мадори етмади. — Р. Раҳмон, Меҳр кўзда
- Эс борида этакни йиғиштирмоқ (ёки ёпмоқ) Эс борида, ўз вақтида айбли (номақбул) ишларга барҳам бермоқ. Шуни билиб қўйингки, ишларингизнинг охири вой! Тезда этагингизни йиғиштириб олинг! — Ҳ. Ғулом, Тошкентликлар