Қидирув

сфт. 1. Оқибатини ўйламай иш қиладиган, енгил табиат.

Енгилтак киши.

Меҳнаткаш хотин ўзини ишга урди, енгилтак Ўринбой эса аламига чидолмай, ичиб кела бошлади. — С. Нуров, Янгича тўйлар муборак

2. Одобсиз, ахлоқсиз, суюғоёқ.

У [Фуод афанди] Ҳожи хола сингари енгилтак қиз-жувонларни ахтарар эди. — М. Исмоилий, Фарғона тонг отгунча

Ўз умрини хазон қилган, бир енгилтак аёлни хотинидан афзал кўрган бу йигит ким ўзи? — Газетадан

от Енгилтак шахсга хос хусусият, хислат, хатти-ҳаракат.

Бўронбек унинг ҳовлиқмалигини, табиатидаги енгилтакликни билар эди. — Ҳ. Ғулом, Машъал

Сиз бу енгилтаклигингиз билан менинг ширин рўз-ғоримни аччиқ қилдингиз. — Гулдаста

Касб танлашга енгилтаклик билан қараган киши ҳаётда читтакка ўхшаб беқўним бўлади. — Р. Усмонов, Одобнома