sft. 1. Vazni uncha ogʻir emas, yengil.
Bolalar orasida Ostar bilan Sarsenboy ham yengil-yelpi narsalarni tashishda yordamlashishmoqda. — R. Fayziy, Sen yetim emassan
2. Unchalik kuch, mashaqqat talab qilmaydigan.
Hamma ogʻir ishlarni baraka topgur yigitlarning oʻzlari qilishardi, biz, chollarga esa yengil-yelpisi qolardi. — V. Tofurov, Vafodor
3. Jiddiy, rasmona emas, yengil.
Direktor bilan administratorga yana yengil-yelpi chora koʻrilgan boʻldi. — Mushtum
Uch ayol yengil-yelpi nonushta qilib olishdi. — H. Gʻulom, Mashʼal
4. koʻchma Jiddiy tarzda emas; yuzaki.
Xalq ishiga yengil-yelpi qarashga, havoyi vaʼdalar bilan koʻz boʻyashga toqat qilolmaymiz. — Sh. Rashidov, Boʻrondan kuchli
Hayotga yengil-yelpi qarashadi, degan aqidada yurardi. — S. Nurov, Narvon