Qidiruv

ot Yaxlit holga egalik.

Obid Jalilov obrazning badiiy yaxlitligi uchun uning boshqa qiyofasini toʻgʻri va haqqoniy ifodalash qanchalik muhim ekanligini yaxshi tushunadi. — F. Joʻrayev, Obid Jalilov

sft. 1. Qismlarga boʻlinmagan; bir butun holda(gi).

Yaxlit muz massasi. Yaxlit oynali derazalar. Yaxlit paykal.

Yaxlit kartadagi chigitlar bir tekisda unib chiqqan. — R. Azizxoʻjayev, Yashil chayla

Nutqimiz yaxlit bir oqimdan iborat boʻlmay, balki mazmun bilan bogʻliq holda boʻlinib-boʻlinib turadi. — UTA

Bir tanishim mehnat otpuskasini hech vaqt yaxlit olmasdi. — Shukrullo, Javohirlar sandigʻi

2. Yagona bir, bir umumiy; yagona.

Xalq xoʻjaligining yaxlit davlat rejasi.

Sulton Joʻraning Qaldirgʻoch ertak-dostonida tinchlik barcha el-elatlarning osoyishtaligi va baxtli taqdirini belgilovchi eng asosiy omil, degan yaxlit gʻoya ilgari suriladi. — Fan va turmush

3. Yirik (katta) qismdan iborat; yirik.

Muz qatlamlariga urilib, yaxlit-yaxlit muz parchalarini balandga irgʻitayotgan snaryad va bombalarning gumburlashi tobora dahshatli. — T. Rustamov, Mangu jasorat

Elchiyev ham jamgʻarmasidan yaxlitini koʻtarib, bozor-oʻchar taraddudiga tushdi. — E. Aʼzamov, Javob

4. Kasrsiz, butun, yirik.

Yaxlit raqamlar.

fl. Mayda boʻlaklarni bir butun holga keltirmoq; yiriklamoq.

Pulni yaxlitlamoq. Raqamlarni yaxlitlamoq.

fl. Yaxlitlamoq feʼlining majhul nisbati.

fl. Yaxlitlantirmoq feʼlining majhul nisbati.

fl. Yaxlitlashtirmoq feʼlining majhul nisbati.