Поиск

fl. Aybsituvchi gap-soʻz aytmoq.

Sardorov, shaxsan bergan koʻrsatmasini vaqtida bajarmay, komissiya oldida uyatga qoldirgani uchun, raisni yanib qoʻygan. — H. Nazir, Koʻkterak shabadasi

Solivoy qulogʻini sekin olib kelsa, keksalar hadeb ikkovini yanishayotgan ekan. — J. Sharipov, Saodat

1. Avval boʻlgan ish-harakat, narsa-hodisaning takror yuz berishini, boshlanishi va davom etishini bildiradi; takror holda; qaytadan, tagʻin.

Yomgʻir yana yogʻa boshladi.

Lektor., xatga qarab, jahl bilan yana bir marta Oʻrtoqlar dedi-yu, leksiyani boshlab yubordi. — A. Qahhor, Quyushqon

Usta Farfi uni yana bir qat koʻzdan kechirib olgach, choʻkkalashini buzib, chordana qurib oldi. — A. Qodiriy, Oʻtgan kunlar

Avaz doʻkonda yana birpas kitob mutolaa qilib oʻtirdi. — S. Siyoyev, Yorugʻlik

Sentyabr tong otariga yaqin qoldi, yana sinflarda oʻquvchilarning shodon ovozi jaranglaydi. — Gazetadan

2. Bundan tashqari, buning ustiga.

Yana bir savat non bor.

Choyni iching, yana olib chiqaman. — Oybek, Tanlangan asarlar

Masalaning yana bir nozik tomoni bor. Boʻgʻoz sovliqni uzoq yotqizib boʻlmaydi: bola tashlaydi. — Gazetadan

Oʻrtoq Baqoyev yana bir piyola choy soʻradi. — A. Qahhor, Adabiyot muallimi

[Mirzakarimboy] Bir nafas oʻylab, yana uch soʻmlik qogʻoz va bir soʻlkavoy qoʻshib, Yoʻlchiga tashladi. — Oybek, Tanlangan asarlar

3. (odatda bir, biror soʻzi bilan birga) Ilgarigilardan boshqa; boshqa bir; yangi, boshqa.

Yana bir masala chiqib qoldi. Ya na biror gap yoʻqmi?

Xon maktubning yana bir joyida sheʼr bitgan edi: Men Samarqandni sensiz netayin — P. Qodirov, Yulduzli tunlar

— Qarigan chogʻida xoʻrozqand yalamay domla ham oʻlsin! — dedi yana biri. — A. Qahhor, Toʻyda aza

4. ayn. Yanada.

Shuning uchun qoʻrboshining boyagi shubhasi yana kuchaydi. — A. Qodiriy, Oʻtgan kunlar

Ashula nihoyasiga yetdi. Lekin bir zumdan keyin yana ayni tovush parvoz qildi. Ammo oʻzga maqomda, yana chuqurroq mavjlanishlar, jilvalar bilan, koʻngilni yana qattiqroq sehrlovchi ingichka titramalar va ranglar bilan — Oybek, Tanlangan asarlar

5. yukl. Taʼkid bildiradi; tagʻin.

Yana shoʻxlik qilib yurmagin! — E. Raimov, Ajab qishloq

Siz ham, eski muallimga oʻxshab, ketib qolmang yana! — P. Tursun, Oʻqituvchi

Sen supada oʻtir, oʻtkinchilar yana bir narsani ilib ketmasin! — Oybek, Tanlangan asarlar

bogʻl. Gap yoki gap boʻlagini unga izoh beruvchi boshqa jumla bilan bogʻlash uchun ishlatiladi.

Men ertadan keyin, yaʼni shanba kuni, uyda boʻlaman.

Ota-onam orzusi ushalib, ilgarigi Nazirqul endi Nazir afandi, yaʼni oʻqituvchi boʻlib qolgan edim. — N. Safarov, Jasoratning davomi

ot 1. Akaning xotini (uka va singilga nisbatan); kelinoyi.

— Men bilet olib boraman, — deydi akasi bilan yangasiga. — Guldasta

Yangamning oshini mazali qilgan akamning masalligʻi, demoqchisiz-da. — N. Safarov, Jasoratning davomi

2. Yoshi oʻziga nisbatan katta boʻlgan ayolga (oʻzga ayolga) nisbatan qoʻllanadi.

Bugʻdoy-zorda bir koʻring Sanam yanga kuchini. — Sharq yulduzi

Sotuvchi telpakni olib, bir pufladi-yu, choʻzdi: — Marhamat. Oling, amaki, yangam quvonadi — S. Siyoyev, Otliq ayol

3. etn. Nikohning ikkinchi kuni kechasi kelin bilan kuyov xizmatida qoluvchi ikki xotindan biri.

Yangalar kelinni ichkari kiritib, toʻy egalari roʻparasiga turgʻizishdi. Soʻzamol yanga marosimni boshladi. — R. Rahmonov, Kelin

Yangalar Kumushni qizlarga topshirib ketdilar. — A. Qodiriy, Oʻtgan kunlar

sft. 1. Ilgari boʻlmagan, endi yuzaga kelgan (kelayotgan, keladigan).

Yangi ariq. Yangi texnologiya. Yangi devor. Yangi zavod. Yangi yoʻl. Yangi ilmiy yoʻnalish. Yangi korxona. Yangi uy. Yangi shahar. Yangi nav.

Tinchlik-omonlik boʻlsa, bir kun kelib, yangi dangʻillama imoratlar solib ham, hozirgiday, shunchalik gap ekan-ku, deymiz. — A. Qahhor, Qoʻshchinor chiroqlari

U doʻstlariga tunov kungi yangi sherini maʼqul qilolganiga quvonardi. — S. Siyoyev, Yorugʻlik

U Mirmurodovni har koʻrganda: — Yangisi bormi, eshitaylik, — deb soʻraydigan boʻldi. — Guldasta

2. Hali tutilmagan yoki juda kam ishlatilgan, asl holatini yoʻqotmagan; zid. eski.

Yangi kiyim. Yangi mashina.

Dushanba kuni yangi banoras toʻn va yangi yashil baxmal doʻppimni kiyib, idoraga bordim. — Guldasta

3. Ish-faoliyati, hayoti endi boshlangan, boshlanganiga hali koʻp boʻlmagan; yangi qilingan.

Bu ishda u yangi, yordam berish kerak.

U — yangi hisobchimiz Oqpoʻlat akaning yakka-yu yagona arzanda oʻgʻli. — S. Siyoyev, Yorugʻlik

Sattorqul yangi rais boʻlsa ham, shoshmasdan koʻklamni tizginlab oldi. — A. Qahhor, Qoʻshchinor chiroqlari

Nihoyat, otasi oʻz muddaosiga yetdi — qizini yangi kuyovga topshirib tinchlandi. — A. Qodiriy, Oʻtgan kunlar

4. Oʻzaro navbatda avvalgisidan keyingisi; navbatdagisi, endigisi.

Yangi direktor. Yangi lavozim.

Bilim maskanlarida yangi oʻquv yili boshlandi. — Gazetadan

Ha, tongni qarshilab olsa-da takror, Yangi deb ataydi har kunni odam. — A. Oripov

5. Shu yil, shu mavsumga tegishli; shu yilga oid; dastlabki.

Shoʻrvaga yangi kartoshka solindi. Yangi bugʻdoyning noni.

Yangi hosilni peshma-pesh qabul qilish va undan sifatli tola ajratib olishga ham puxta hozirlik koʻrildi. — Gazetadan

Belgining avvalgi holatiga nisbatan kuchli, ortiq ekanini, shunday boʻlishini bildiradi; yana ham.

Abdusattor ustoziga yetib olishi uchun texnikani yanada puxta egallab olishi lozim edi. — Oʻzbekiston qoʻriqlari

Hovlining ichkarisi yanada befayz edi. — N. Aminov, Suvarak