sft. 1. Chiroyli; goʻzal.
Xushroʻy qiz. Xushroʻy yigit.
Urush vaqti. Dekabr oqshomlaridan birida xushroʻygina juvon Toshkentning sobiq eski shahari koʻchalaridan shoshib borardi. — F. Xoʻjayev, Onadek mehribon
— Yovonimizda Jumagul otli bir qiz bor. Unday xushroʻyi yoʻq — dedi toʻra Ashir mahramga. — J. Sharipov, Xorazm
2. rvsh. Ochiq chehra bilan, samimiy.
Xushroʻy qarshilagan yoshgina, qorachadan kelgan, istarasi issiq bir xotin [Iskandaroga] chelakda suv tutdi. — Oybek, Nur qidirib
Saodat ularga odatdagidek kulib, xushroʻy javob qilib oʻtirdi. — I. Rahim, Chin muhabbat
3. Xushroʻy (xotin-qizlar ismi).