Поиск

ot 1. Ijobiy xususiyat, yaxshi fazilat, xislat.

Mehnatda bor koʻp xosiyat, sharofat. Bel bogʻlasa mehnatga kim, azizdir. — Habibiy

— Rost, bu kelinning husnidan ham boshqa yana tagʻin bir alohida xosiyati borga oʻxshaydir, — deb kular edi [Oʻzbek oyim]. — A. Qodiriy, Oʻtgan kunlar

2. Xosiyat (xotin-qizlar ismi).

sft. Yaxshi xususiyatga ega; ijobiy natija beradigan; fazilatli.

Bu yerning oftobi, shamoli, suvi ana shunday xosiyatli. — Oybek, Oltin vodiydan shabadalar

Umidvor insonlar, uni olqishlang, Faqat xosiyatli boʻladi bahor. — A. Oripov

— Sening poyqadaming xosiyatli keldi, oʻgʻlim, zolim Asfandiyor zulmi barbod boʻldi, — deb edi Qurbon ota. — N. Safarov, Sevgi

sft. ayn. Bexosiyat.

[Zargarovning[ Koʻnglida nimadir qattiq darz ketgan xosiyatsiz oqshom koʻz oldida gavdalandi. — A. Muxtor, Boʻronlarda bordek halovat

Vayronalar azaldan xosiyatsiz joy hisoblangan. — Yoshlik

С утра больше проку, чем с вечера.

sft. Yaxshi, ijobiy xosiyatlarga ega boʻlmagan, yomon; xosiyatsiz.

Bexosiyat odam. Bexosiyat tush.

Hozirdan bexosiyat yigitning nima keragi bor. — N. Qilichev, Chigʻiriq

Bolalarim, asti shamani yutmanglar, koʻp bexosiyat narsa boʻlar emish. — S. Ahmad, Hukm