Hayot Foundation loyihasi
Loyiha haqida
Oʻz
Oʻz

Qidiruv

«xormas» boʻyicha 65 ta natija

Filtr
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Turkcha

Lugʻat maqolalari

64 ta
xor
Izohli lugʻat · yana 10 ta lugʻatda

sft. 1. Beeʼtibor; kamsitilgan, tahqirlangan.

Ochman! Yalangʻochman! Xorman! Siz u deb soʻkasiz, bu deb soʻkasiz, bas-da shuncha xoʻrlanganim! — M. Ismoiliy, Fargʻona tong otguncha

2. Nochor ahvolga tushgan; gʻoyat qashshoq.

Hunar — zar, hunarsiz — xor. — Maqol

Hunarli el xor boʻlmas. — Maqol

3. Beqadr, qimmati tushgan.

Bozorda mevalar xor.

  • Xor boʻlmoq Beqadr, behurmat boʻlmoq. [Muqimiy:] Haqiqat istaganlar boʻldilar xor, Kimiki muttahamdur, yurtga sarkor. — S. Abdulla, Ota va oʻgʻil
  • Xor qilmoq (yoki tutmoq) Beqadr, behurmat qilmoq; ayanchli ahvolga solmoq. Bu uch bolani Nodira xor qilib qoʻyishni istamasa ham, erining faqirligi bunga mone edi. — A. Qodiriy, Mehrobdan chayon[Oʻzbek oyim Zaynabga:] Kelinni xor tutar ekan, demasinlar, sen ham oʻzingni tuzat! — A. Qodiriy, Oʻtgan kunlar
Toʻliq maqola →
xoʻra
Izohli lugʻat · yana 2 ta lugʻatda

sft. Ovqatni tanlamay koʻp yeydigan, serovqat.

— Xotining xoʻra boʻlsa — urdi xudo, moling xoʻra boʻlsa — berdi xudo, deb shuni aytar ekan-da! — luqma tashladi Sherali. — M. Muhamedov, Qahramon izidan

— Obbo, meni siz ham xoʻra deb ataysiz. Aslida oʻlgudek chimxoʻrman! — dedi Goʻpponboy. — Sh. Xolmirzayev, Qil koʻprik

Toʻliq maqola →
xoʻrak
Izohli lugʻat · yana 3 ta lugʻatda

ot 1. Yeyish mumkin boʻlgan narsa; yemish, ovqat.

Aqlli odam qish gʻamini yoz yer, Kecha boʻlsa, xoʻragini oz yer. — Maqol

Dasturxonda turfa noz-neʼmatlar — xoʻraklar: palov, nisholda, holva — T. Murod, Yulduzlar mangu yonadi

Yaqinlarda tabiblarga koʻrsatgan edim, qoningiz oz, qimiz iching, xoʻrak oldidan mayiz isteʼmol qiling, deb kengash berdilar. — A. Qodiriy, Oʻtgan kunlar

2. Mol, hayvon, parranda ovqati (yem, don va shu kabilar).

Koʻyga xoʻrak bermoq.

— Nega xoʻrakka terib tashlagan bezdek boʻzrayib turibsan? — dedi Mavlon. — B. Rahmonov, Mardlar qissasi

3. s. t. Xoʻra.

  • Xoʻrak qilmoq Ovqat yemoq, ovqatlanmoq. — Xoʻrak qildingizmi? — dedi [Kumush Otabekka]. — A. Qodiriy, Oʻtgan kunlar
Toʻliq maqola →
xoʻrda
Izohli lugʻat · yana 6 ta lugʻatda

ot Guruchli suyuq ovqat; mastava.

Nihoyat, tushga yaqin oyisi qilib bergan achchiq xoʻrdani ichib, bir oz oʻziga keldi — P. Qodirov, Uch ildiz

Shoqosim qayerdadir pishirib bergan serqatiq xoʻrda oshdan u [Gulnor] yarim kosa ichdi. — Oybek, Tanlangan asarlar

  • Birovning xoʻrda-burdasida boʻlmoq
  • Ham xoʻrdani, ham burdani urmoq Ikki taraflama manfaatdor boʻlmoq.
Toʻliq maqola →
xorij
Izohli lugʻat · yana 3 ta lugʻatda

ot 1. Biror narsadan xoli, ozod, boʻsh (odam haqida).

Oʻrtoq Mansur, meni shu ishdan xorij qilib qoʻyish yaxshi boʻlar edimi, deyman. — Z. Said, N. Safarov, Tarix tilga kirdi

2. Xorijiy mamlakat; chet el.

Nonushtadan keyin xorijda ishlagan, kulrang diplomat koʻtargan bir kishi kirib keldi. — N. Aminov, Qaltis xato

Toʻliq maqola →
xoʻroz
Izohli lugʻat · yana 5 ta lugʻatda

ot 1. Xonaki tovuqlarning va baʼzi tovuqsimonlarning erkagi.

Babaq xoʻroz. Urushqoq xoʻroz.

Qoʻnoqdagi xoʻroz choʻzib-choʻzib qichqirdi. — Oʻ. Hoshimov, Qalbingga quloq sol

2. koʻchma S. t. Tanti; mard.

Xoʻroz yigit.

Tantiboyvachchanikiga boramiz ertaga Juda xoʻroz odam. Koʻrsangiz, oʻzingiz ham hayron qolasiz. — Oybek, Tanlangan asarlar

— Gʻanivoy juda bopta ish qipti, bunaqa ishni yigitning xoʻrozi qiladi, — dedi Burgut. — S. Ahmad, Choʻl burguti

  • Xoʻroz gap yoki gapning xoʻrozi [Yusufjon:] Hamzaxon, nuqul haqiqatni dangal yozibsiz, Boylardan qoʻrqmay, xoʻroz gap qilibsiz. — K. Yashin, Hamza
  • Xoʻroz qichqirmasdan Nihoyatda barvaqt, erta tongda. Vrach qabuliga birinchi boʻlib yozilay, deb xoʻroz qichqirmasdan kelgandim. — MushtumKelin xoʻroz qichqirmasdan turib, nonga xamir qordi. — Gazetadan
Toʻliq maqola →

Hammasini koʻrish · 64 →

Taʼriflar ichida

1 ta