Hayot Foundation loyihasi
Loyiha haqida
Oʻz
Oʻz

Qidiruv

«xor-u» boʻyicha 51 ta natija: Izohli

Filtr
Lugʻat turi
Izohli Tarjima Terminologik Frazeologik

Lugʻat maqolalari

42 ta
xor

sft. 1. Beeʼtibor; kamsitilgan, tahqirlangan.

Ochman! Yalangʻochman! Xorman! Siz u deb soʻkasiz, bu deb soʻkasiz, bas-da shuncha xoʻrlanganim! — M. Ismoiliy, Fargʻona tong otguncha

2. Nochor ahvolga tushgan; gʻoyat qashshoq.

Hunar — zar, hunarsiz — xor. — Maqol

Hunarli el xor boʻlmas. — Maqol

3. Beqadr, qimmati tushgan.

Bozorda mevalar xor.

  • Xor boʻlmoq Beqadr, behurmat boʻlmoq. [Muqimiy:] Haqiqat istaganlar boʻldilar xor, Kimiki muttahamdur, yurtga sarkor. — S. Abdulla, Ota va oʻgʻil
  • Xor qilmoq (yoki tutmoq) Beqadr, behurmat qilmoq; ayanchli ahvolga solmoq. Bu uch bolani Nodira xor qilib qoʻyishni istamasa ham, erining faqirligi bunga mone edi. — A. Qodiriy, Mehrobdan chayon[Oʻzbek oyim Zaynabga:] Kelinni xor tutar ekan, demasinlar, sen ham oʻzingni tuzat! — A. Qodiriy, Oʻtgan kunlar
Toʻliq maqola →
xoʻra

sft. Ovqatni tanlamay koʻp yeydigan, serovqat.

— Xotining xoʻra boʻlsa — urdi xudo, moling xoʻra boʻlsa — berdi xudo, deb shuni aytar ekan-da! — luqma tashladi Sherali. — M. Muhamedov, Qahramon izidan

— Obbo, meni siz ham xoʻra deb ataysiz. Aslida oʻlgudek chimxoʻrman! — dedi Goʻpponboy. — Sh. Xolmirzayev, Qil koʻprik

Toʻliq maqola →
xoʻrak

ot 1. Yeyish mumkin boʻlgan narsa; yemish, ovqat.

Aqlli odam qish gʻamini yoz yer, Kecha boʻlsa, xoʻragini oz yer. — Maqol

Dasturxonda turfa noz-neʼmatlar — xoʻraklar: palov, nisholda, holva — T. Murod, Yulduzlar mangu yonadi

Yaqinlarda tabiblarga koʻrsatgan edim, qoningiz oz, qimiz iching, xoʻrak oldidan mayiz isteʼmol qiling, deb kengash berdilar. — A. Qodiriy, Oʻtgan kunlar

2. Mol, hayvon, parranda ovqati (yem, don va shu kabilar).

Koʻyga xoʻrak bermoq.

— Nega xoʻrakka terib tashlagan bezdek boʻzrayib turibsan? — dedi Mavlon. — B. Rahmonov, Mardlar qissasi

3. s. t. Xoʻra.

  • Xoʻrak qilmoq Ovqat yemoq, ovqatlanmoq. — Xoʻrak qildingizmi? — dedi [Kumush Otabekka]. — A. Qodiriy, Oʻtgan kunlar
Toʻliq maqola →
xoʻrda

ot Guruchli suyuq ovqat; mastava.

Nihoyat, tushga yaqin oyisi qilib bergan achchiq xoʻrdani ichib, bir oz oʻziga keldi — P. Qodirov, Uch ildiz

Shoqosim qayerdadir pishirib bergan serqatiq xoʻrda oshdan u [Gulnor] yarim kosa ichdi. — Oybek, Tanlangan asarlar

  • Birovning xoʻrda-burdasida boʻlmoq
  • Ham xoʻrdani, ham burdani urmoq Ikki taraflama manfaatdor boʻlmoq.
Toʻliq maqola →
xorij

ot 1. Biror narsadan xoli, ozod, boʻsh (odam haqida).

Oʻrtoq Mansur, meni shu ishdan xorij qilib qoʻyish yaxshi boʻlar edimi, deyman. — Z. Said, N. Safarov, Tarix tilga kirdi

2. Xorijiy mamlakat; chet el.

Nonushtadan keyin xorijda ishlagan, kulrang diplomat koʻtargan bir kishi kirib keldi. — N. Aminov, Qaltis xato

Toʻliq maqola →

Hammasini koʻrish · 42 →

Taʼriflar ichida

9 ta
bepoyonlik

bepoyonlik Benihoyalik, cheksizlik, hadsizlik. Yer yuzida insonga hech qanday naf keltirmay, boʻm-boʻsh yotgan bepoyonliklar juda koʻp. J. Abdullaxonov, Toʻfon Xor-u zorl

sahbo

sahbo esk. poet. Qizil vino, sharob. Sensiz gul-u bogʻ xor-u sahro, Koʻnglim tilamaydi kayfi sahbo. Habibiy

dorilfunun

dorilfunun esk. Dorulfunun 1. ayn. universitet. Muallimning maslahati bilan shahar dorilfununi qoshidagi adabiy toʻgarakka qatnay boshladim. M. M. Doʻst, Lolazor Toshkent

giriftor

giriftor Duchor boʻlish, yoʻliqish. Yolgʻizlarning ishi zordir, Gʻamdin gʻamga giriftordir. Nurali Men boʻlibman duchor bunday baloga, Giriftorman endi gʻamli savdoga. Ba

ohor

ohor Ip, gazlama yoki kiyimga pardoz berish yoki qotirish uchun ishlatiladigan modda; kraxmal. Shunday modda bilan yangi narsaga, kiyimga berilgan ishlov, pardoz. koʻchma

holat

holat Yuzaga kelgan, mavjud boʻlgan vaziyat, ahvol. Jangovar holat. Harbiy holat. Shahar qamal holatda. Ishlayotgan odamlar uni [Olaxoʻjani] bu holatda koʻrib, juda hayro

Hammasini koʻrish · 9 →