Qidiruv

ot Oʻta kamtarlik; itoatkorlik, mutelik.

Majdiddin xokisorlik bilan unga yaqin kelib, qulluq qildi. — Oybek, Navoiy

Qurbon unga xokisorlik bilan tikildi. — Sh. Xolmirzayev, Qil koʻprik

sft. 1. Nihoyat darajada kamtar, sodda.

Mavlono Shahobiddin gʻoyat kamtarin va xokisordir. — Oybek, Navoiy

2. Itoat qiluvchi, itoatkor, boʻyin eguvchi; ojiz.

Ulugʻ xoqon, bu xokisor qulingizning bir tortigʻi bor. — Oybek, Navoiy

Lekin inson qul, inson ojiz, u bamisoli chumoliday xokisor maxluq, deganlar mutlaqo yanglishadi — K. Yashin, Hamza

Oʻshanda Aqida gʻaroyib hikoyalari bilan tobora yuragiga chuqurroq kirib kelayotgan bu bolaning oldida oʻzini juda xokisor va hatto xoʻrlangandek his qildi. — N. Otaxonov, Oqshom xayollari

kt. Xokisor holatda.

— Nachora, — dedi boyagiday kamtar-u xokisorona iljayib, — boshqa choram yoʻq mening. — M. M. Doʻst, Lolazor