Қидирув

от 1. Бирор иш ёки меҳнат билан шуғулланиш; бирор ишни бажариш; иш, меҳнат.

Бир кун эшон мени чақириб: — Ўғлим, — деди, — мана энди бизга анча хизматинг сингди. — Ғ. Ғулом, Шум бола

Юрт, ҳукумат асло бу хизматларингни унутмайди. — С. Аҳмад, Уфқ

— Агар менинг бу хизматим хон жанобининг марҳаматига лойиқ кўрилар экан, — деди ҳожи, — менга энг манзур бўлган мукофот ўғлимнинг озод қили-нишидир. — А. Қодирий, Ўтган кунлар

2. Бировга ёрдам кўрсатиш; холисона қилинган иш; ёрдам; яхшилик.

Бу хизматингни сира унутмайман. Элга хизмат — олий ҳиммат. — Мақол

Элга хизмат қилиб, болам, дуо ол. — Маликайи айёр

То ўлгунча, ота, қилай хизматинг, Қилган хизматларим — сенинг иззатинг. — Маликайи айёр

3. Бирор ташкилот, муассаса ёки корхонада бажариладиган иш, вазифа; лавозим; шундай жойда ишлаш.

Биринчи ноябрда бўлса керак, Муштум хизматига киришганман. — А. Қодирий, Кичик асарлар

Сиз, оғайнилар, илгари хон ёнида қандоқ хизматда бўлган бўлсаларингиз, энди ҳам ўша вазифада қолаберасизлар. — А. Қодирий, Ўтган кунлар

У [Аҳрор халфа Фузайилхонов] шу ердаги хизматга кириб, кейинчалик секин-аста биринчи синф ўқитувчиси бўлиб олди. — Муштум

4. Иш, топшириқ, вазифа.

[Ҳомид:] Кишининг хизматидан қочган одам эмасман. — А. Қодирий, Ўтган кунлар

Сизга оғир келмаса, бир хизмат топширмоқчиман, уста! А. — Қодирий, Ўтган кунлар

5. Сўроқ оҳанги билан айтилиб, Менда нима ишингиз бор? деган маънони билдиради.

— Хўш, ўртоқ Дўсматов, хизмат? — деди Давлатёр. — П. Турсун, Ўқитувчи

— Хизмат? — деди у [Акрам] юмшоқ креслонинг суянчиғига ўзини ташлаб, Нигорага тикилди. — С. Анорбоев, Оқсой

6. с. т. Армия сафида бўлиш, ҳарбий мажбуриятни ўташ.

Хизматга чақирилмоқ.

[Ота-оналар] Бундан бир ёки икки йил илгари аскарликка узатган ва хизматини тугатиш олдида урушга тўғри келиб, ҳозир жанг қилаётган болаларни эсладилар. — И. Раҳим, Чин муҳаббат

7. Армия таркибидаги айрим ихтисослашган соҳалар ёки тармоқлар.

Алоқа хизмати. Тиббиёт хизмати. Разведка хизмати.

от 1. Бирор идора ёки кор-хонада ёзиш-чизиш билан шуғулланувчи киши; ходим.

Унинг ижтимоий келиб чиқиши — хизматчи. Идора хизматчиларининг бир мажлисида Сулаймоновни роса сулайтиришди. — А. Қаҳҳор, Икки ёрти — бир бутун

Бирлашма хизматчилари таркибига стоматологларнинг киритилиши тасодифий чора эмас. — Газетадан

2. Умуман, меҳнаткаш киши; ишчи.

Улар темир ёʻл хизматчилари эди. — Ойдин, Суҳбати жонон

Қилинадиган ишнинг бир хиллиги хизматчини толиқтиради, аксар, анчагина куч сарф этишни талаб этади. — Фан ва турмуш

3. айн. Хизматкор.

Мулладўст — 54 ёшда, шўх табиат кўнгилчан бир киши. Қозининг хизматчи ҳам мулозими. — Ҳамза, Майсаранинг иши

от 1. Бировларнинг шахсий хизматини, уй ишини қилувчи киши.

Бу асар бир пардалик фожиа бўлиб, унда бир золим бойнинг йигирма йиллик мўйсафид бир хизматкорига сўнг вақтда қилган жабр ва зулми тасвир қилингандир. — Ҳамза, Танланган асарлар

2. Халқ ёки жамият манфаати учун хизмат қилувчи.

— Ёʻлингга кўз тикар, тикар албатта. Улғайсанг, ўқиб, бўл элга хизматкор! — М. Алавия

от ком қўлл. Хизмат учун тўланадиган ҳақ.

— Бизнинг вазифамиз, мана шу шартларга биноан хизматона ва ширинкома олишдир, — деди [ноиб]. — С. Айний, Судхўрнинг ўлими

[Эшон қози] Мазкур ҳаққи хизматонани астагина ёнларига солдилар. А. — Қодирий, Кичик асарлар

от Бирга хизмат қиладиган кишилар (бир-бирига нисбатан); ҳамкасб.

Кўчада хизматдош дўстларни учратиб қолдим.

Ишдан кейин гоҳо ўзига ўхшаган хизматдошлари билан кўчанинг нариги бетидаги қаҳвахонага ўтиб, андак шакаргуфторлик қилади. — Э. Аъзамов, Жавоб

от 1. айн. Хизматкор.

2. Ишдан қочмайдиган, ишни яхши бажарадиган; ишчан, меҳнаткаш.

Хизматкаш йигит.