ot 1. Yozuv, yozilgan, chizilgan yoki oʻyib tushirilgan belgilar; matn.
Olim toshga oʻyilgan qadimiy xatni oʻqishga urindi.
Xat kichikroq qogʻozda oʻlchovlik soʻzlardan iborat edi. — A. Qodiriy, Oʻtgan kunlar
2. Yozuvda ishlatiladigan grafik belgilar; harflar tizimi.
Arabcha xat. Lotin xatini oʻrganmoq.
3. Biror xabar berish yoki fikr almashish maqsadida aniq manzilga asosan pochta orqali yuboriladigan, matn yozilgan qogʻoz.
Bir kuni pochtalon Ashurali otaga xat tutqazdi: — Oʻgʻlingiz Kimsanboydan. — T. Ashurov, Oq ot
4. Harflarni yozishdagi oʻziga xos uslub, koʻrinish, yozuv xili.
Uning xati xunuk.
[Asar] Juda sifatli novvotrang qogʻozga nastaʼliq xatida koʻchirilgan. — UTA
5. Savod; harf tanish.
[Imom:] Toʻgʻrisini aytsak, xatimiz yoʻq hisobida! — Hamza, Boy ila xizmatchi
Usta Moʻmin, rahmatlik, xat bilar edi, kitob koʻrib, bolaning otini Yodgor qoʻydi. — A. Qahhor, Asror bobo
6. Rasmiy qogʻoz, hujjat.
Bunga tashkilotlar va shaxslar oʻrtasidagi rasmiy ishga taalluqli boʻlgan xatlar, yozishmalar kiradi. — OʻTA
7. Satr, misra.
Bilish uchun har qaysi sheʼrdan bir-ikki xat oʻqib koʻrish kerak edi. — A. Qahhor, Sarob
- Taloq xati Er-xotinning bir-biridan ajralishi haqidagi rasmiy qogʻoz, hujjat. Bir necha vaqtdan soʻng Homidning soxta taloq xati bilan eridan chiqqan qiz Komilbekka beriladir. — A. Qodiriy, Oʻtgan kunlar
- Xat tortmoq 1. Chiziq tortmoq, chizmoq; Bu zolimning jabriga xudo oʻzi xat tortmasa, bandasi nevlaydi. — Choʻlpon, Kecha va kunduz
- Xat qilib bermoq Oʻz mulkini birovga qonuniy yoʻl bilan rasmiylashtirib bermoq, topshirmoq. Uyimni internatga xat qilib berdim.Siz boylarning yer-mulklarini musodara qizish vaqtida eng yaxshi yerlarni ularning oʻzlariga xat qilib bergansiz. — H. Gʻulom, Mashʼal
- Xatga olmoq (yoki solmoq, bitmoq) Roʻyxatga kiritmoq. Mulkni xatga olmoq.Bu uydagi hamma narsa xatga olingandan keyin, tashqariga chiqildi. — A. Qahhor, Qoʻshchinor chiroqlari
- Xatga tushmoq Roʻyxatga kiritilmoq. Xatga tushding — oʻtga tushding. — Maqol
- Yumaloq (yoki dumaloq) xat Kolxoz jun planini pul bilan toʻldirdi, degan mazmunda raykomga dumaloq xat yozib yubordi. — A. Koʻchimov, Halqa